ក្រុមហ៊ុន Microsoft ទើបតែធ្វើការអាប់ដេតនូវ KB5015882 Preview cumulative នៅលើប្រព័ន្ធប្រតិបត្តិការ Windows 11 ដែលមានការជួសជុលទៅលើបញ្ហាចំនួន ២០ ដែលនៅក្នុងនោះក៏មានការបន្ថែមនូវ Focus Assist និងការupgrade ទៅលើមុខងារជាច្រើននៅក្នុងប្រព័ន្ធប្រតិបត្តិការផងដែរ។ Windows 11 cumulative update នេះគឺជាផ្នែកមួយនៃ July 2022 monthly “C” update របស់ក្រុមហ៊ុន Microsoft ។
សម្រាប់អ្នកប្រើប្រាស់នៅលើ Windows អាចតម្លើងនូវការអាប់ដេតនេះបានតាមរយៈការចូលទៅក្នុង Settings ចុចនៅលើ Windows Update និងរើសយកនូវ ‘Check for Updates’ ។ បន្ទាប់មកអ្នកគ្រាន់តែចុចនៅលើប៊ូតុង download and install នោះ Windows 11 នឹងចាប់ផ្តើមដំណើរការនូវការអាប់ដេតនេះ។
បន្ទាប់ពីការអាប់ដេតនូវ KB5015882 នេះ លេខនៃ versionរបស់ Windows 11 នេះគឺ 22000.832 ។ អ្នកប្រើប្រាស់នូវWindows 11 អាចធ្វើការដោនឡូត និងតម្លើងបាននូវការអាប់ដេត KB5015882 នេះចេញពី Microsoft Update Catalog ផងដែរ៕
