មេរោគ Android banking malware មួយដែលមានឈ្មោះហៅថា ‘Godfather’ មានគោលដៅវាយប្រហារទៅលើអ្នកប្រើប្រាស់នៅក្នុងប្រទេសចំនួន 16 ដើម្បីលួចយកនូវព័ត៌មានទិន្នន័យផ្ទាល់ខ្លួន ហើយវាប៉ះពាល់ដល់ធនាគារ និងស្ថាប័នរូបិយប័ណ្ណគ្រីបតូជាង 400 កន្លែង។
មេរោគ malware នេះបានបង្កើតនូវ login screens ដែលគ្របនៅលើផ្ទាំង login forms នៃកម្មវិធីធនាគារ និងស្ថាប័នរូបិយប័ណ្ណគ្រីបតូនៅពេលដែលជនរងគ្រោះព្យាយាមក្នុងការ login ចូលទៅក្នុង site រួចបោកបញ្ឆោតអ្នកប្រើប្រាស់អោយចូលទៅវាយព័ត៌មានសម្ងាត់របស់ពួកគេនៅក្នុងទំព័រ HTML phishing ។
មេរោគ Godfather trojan ត្រូវបានរកឃើញដោយក្រុមអ្នកវិភាគ Group-IB ដែលប្រើប្រាស់នូវមេរោគ banking trojan នេះដើម្បីលួចទិន្នន័យរបស់អ្នកប្រើប្រាស់។ ក្រុមស្រាវជ្រាវ ThreatFabric រកឃើញមេរោគ Godfatherនេះដំបូងនៅក្នុងខែមីនា ឆ្នាំ 2021 នេះ។ គួរបញ្ជាក់ផងដែរថា គ្រាន់តែនៅក្នុងប្រទេសទួកគីមេរោគ Godfatherនេះស្ថិតនៅក្នុង music tool មួយដែលមានអ្នកប្រើប្រាស់ដោនឡូតជាង 10 លានដង។
ដើម្បីការពារខ្លួនអ្នកពីមេរោគ malware នេះ សូមធ្វើការដោនឡូតនូវ Apps ចេញពី Google Play, ការធ្វើបច្ចុប្បន្នភាព (update) ទៅលើម៉ាស៊ីនរបស់អ្នកទៅកាន់ជំនាន់ចុងក្រោយបំផុត, ការប្រើប្រាស់នូវកម្មវិធីកម្ចាត់មេរោគ (AV Tool), ការធានាថា Play Protect គឺនៅដំណើរការ៕
