កាលពីថ្ងៃអង្គារ ក្រុមហ៊ុនម៉ាយក្រូសូស្វ បិទគណនី (Microsoft Partner Network (PMN)) ក្លែងក្លាយ ដែលត្រូវប្រើសម្រាប់បង្កើតកម្មវិធី OAuth app អាក្រក់ ដើម្បីទម្លាយមជ្ឈដ្ឋានក្លោដរបស់អង្គភាព និងលួចអ៊ីម៉ែល។ Tech giant ថ្លែងថា កម្មវិធីក្លែងបន្លំដែលបង្កើតឡើងដោយហេគឃ័រ ក្រោយមក ប្រើការយល់ព្រមបន្លំ ដើម្បីបញ្ឆោតអ្នកប្រើប្រាស់ឱ្យផ្តល់នូវការអនុញ្ញាត។
ការបោកបញ្ឆោតនេះមានគោលដៅទៅរកក្រុមអតិថិជនដែលមានមូលដ្ឋាននៅអង់គ្លេស និងអៀរឡង់។ ការយល់ព្រមបែបបន្លំ (consent phishing) គឺជាការវាយប្រហារផ្នែកវិស្វកម្មសង្គម នៅទីតាំងអ្នកប្រើប្រាស់ដើម្បីបញ្ឆោតឱ្យផ្តល់នូវការអនុញ្ញាតទៅកាន់កម្មវិធីក្លោដអាក្រក់ បន្ទាប់មកត្រូវប្រើដើម្បីលួចចូលទៅកាន់សេវាក្លោដស្របច្បាប់ និងទិន្នន័យអ្នកប្រើ។ អ្នកអភិវឌ្ឍវីនដូថ្លែងថា ខ្លួនដឹងពីរឿងនេះនៅខែធ្នូ ឆ្នាំ២០២២។ ហើយពួកគេក៏ប្រកាសអាសន្នទៅកាន់អតិថិជនតាមរយៈអ៊ីម៉ែល ជាមួយនឹងការបញ្ជាក់ពីក្រុមហ៊ុនស្តីពីការប្រើប្រាស់ការយល់ព្រមបែបបន្លំដើម្បីច្រោះយកប្រអប់សារ។
អ្វីដែលគួរឱ្យកត់សម្គាល់នោះ ក្រុមហ៊ុនម៉ាយក្រូសូស្វក៏ថ្លែងថាខ្លួនសាកល្បងបន្ថែមនូវវិធីសាស្រ្តសុវត្ថិភាព ដើម្បីជម្រុញដំណើរការពិនិត្យជាមួយនឹងកម្មវិធី Microsoft Cloud Partner Program (formerly MPN) និងកាត់បន្ថយផលប៉ះពាល់នៃការបោកបញ្ឆោតនាពេលខាងមុខ។ គួរបញ្ជាក់ផងដែរថា ការវាយប្រហារនេះគឺជាការត្រាប់តាមម៉ាកយីហោល្បីៗ ហើយវាក៏ទទួលជោគជ័យនៅក្នុងការបោកបញ្ឆោតក្រុមហ៊ុនម៉ាយក្រូសូស្វផងដែរ។ ហេគឃ័រក៏ប្រើគណនី partner ដើម្បីបន្ថែមការបញ្ជាក់ទៅកាន់ការចុះឈ្មោះលើ OAuth app ដែលពួកបង្កើតនៅក្នុង Azure AD បើយោងតាមសំដីក្រុមហ៊ុន។ ការវាយប្រហារនេះ ត្រូវរកឃើនៅខែធ្នូ ឆ្នាំ២០២២ ប្រើ lookalike versions នឹងកម្មវិធីស្របច្បាប់ដូចជា Zoom ដើម្បីបញ្ឆោតគោលដៅឱ្យផ្តល់សិទ្ធិដំណើរការ និងលួចព័ត៌មានរួមមាន ហិរញ្ញវត្ថុ ទីផ្សារ អ្នកគ្រប់គ្រង និង នាយកប្រតិបត្តិ។
![Microsoft OAuth Apps hacking](https://i0.wp.com/thehackernews.com/new-images/img/b/R29vZ2xl/AVvXsEigA1R0rfCJ8lzrsgZgPy5yKT0ks9H0Xk8IiwQneiksO76f2DeFqsGUE-jyNNF72d8-MOrwP7rJZ_8yaBNSA87BZpgVu72cIZ9OPbJ4XC2SLu_SgppObmgUeUEB3X2CtLhUMalWw2ah2yGSOvDXoITM0eC4AN5NzP3WtAsqMS6OF5_n-zVo_BZy1mWm/s728-e3650/ms.png?w=696&ssl=1)
ក្រុមហ៊ុនសុវត្ថិភាព Proofpoint កត់សម្គាល់ថា កម្មវិធី OAuth apps អាក្រក់នេះ មានការអនុញ្ញាតដែលផ្ទេរសិទ្ធិពីចម្ងាយដូចជា ការអានអុីម៉ែល, ការកែសម្រួល mailbox setting និងការប្រើឯកសារនិងទិន្នន័យភ្ជាប់ទៅកាន់គណនីអ្នកប្រើប្រាស់។ ការវាយប្រហារលើសេវាក្លោដរបស់ក្រុមហ៊ុនម៉ាយក្រូសូស្វមិនមែនជាលើកទី១ទេ កាលពីខែមករា ឆ្នាំ២០២២ ក៏មានក្រុម OiVaVoii វាយប្រហារនិងគ្រប់គ្រងគណនីនាយកប្រតិបត្តិដែរ។ ក្រោយមក នៅខែកញ្ញា ឆ្នាំ២០២២ ក្រុមហ៊ុនម៉ាយក្រូសូស្វក៏បង្ហាញពីការបង្រ្កាបរបស់ខ្លួនទៅលើការប្រើ OAuth app អាក្រក់ ដែលដាក់ពង្រាយនៅលើក្លោដ ដើម្បីគ្រប់គ្រង Exchange servers និងចែកចាយសារបញ្ឆោត៕
ប្រែសម្រួលដោយ៖ កញ្ញា