ហេគឃ័រប្រើមេរោគ Gootkit malware ជាឧបករណ៍ចម្លងមេរោគដោយបន្ថែមនូវសមាសធាតុថ្មី និងភាពស្មុគស្មាញ។ អ្នកជំនាញជួរមុខរបស់ក្រុមហ៊ុនហ្គូហ្គលកំពុងតែត្រួតពិនិត្យមើលសកម្មភាពរបស់ក្រុមហេគឃ័រ UNC2565 ហើយកត់សម្គាល់ឃើញថាប្រើមេរោគនេះផ្តាច់មុខ។
មេរោគ Gootkit ឬ Gootloader ត្រូវដាក់ពង្រាយតាមរយៈគេហទំព័រ ហើយបញ្ឆោតជនរងគ្រោះនៅពេលកំពុងស្រាវជ្រាវឯកសារទាក់ទងនឹងកិច្ចព្រមព្រៀង និងកុងត្រា ដោយបំភាន់ search engine optimization (SEO)។ ជាទូទៅ ឯកសារភ្ជាប់មានទម្រង់ជា ZIP archives ដែលប្រមូលមេរោគ JavaScript malware នៅពេលដាក់បញ្ចូល និងរកមធ្យោបាយបន្ថែម payloads តាមរយៈមេរោគ Cobalt Strike Beacon, FONELAUNCH និង SNOWCONE។
មេរោគ FONELAUNCH គឺជាមេរោគដែលត្រូវបង្កើតឡើងដោយមានមូលដ្ឋាន .NET-based loader ដើម្បីបំលែងកូដចូលទៅក្នុងអង្គចងចាំ និង SNOWCONE គឺជាអ្នកដោនឡូតដែលមានតួនាទីទទួលយក payloads ដំណាក់កាលបន្ទាប់ ឬជាប្រភេទ IcedID តាមរយៈ HTTP។ ខណៈដែលគោលដៅនៃមេរោគ Gootkit មិនផ្លាស់ប្តូរ ការវាយប្រហារត្រូវធ្វើបច្ចុប្បន្នភាព ដោយឯកសារ JavaScript នៅក្នុង ZIP archive ត្រូវបញ្ជូន និងមានផ្ទុកឯកសារ JavaScript ដែលប្រតិបត្តិមេរោគ malware។
![Gootkit Malware](https://i0.wp.com/thehackernews.com/new-images/img/b/R29vZ2xl/AVvXsEhLWp5t6-d1GIrZD7Gy5xwh6I-qSleR4z7oNyyseyMiJs8yE1xOiUNHrwdNsQPZDj7qnfgyL9MRWnryK5mjlu4sqkkK63ckpXkTCCmqROli_RTkt3KerI9tCGDuJuyM2yxNFqxaB8cySIDBbgyH2a3EcmkcG1orns5URKEia-v3hNTJjBUbSdD5y3Dw/s728-e3650/gootkit.png?w=696&ssl=1)
មេរោគ GOOTLOADER.POWERSHELL ត្រូវរកឃើញនៅខែវិច្ឆិកា ឆ្នាំ២០២២។ គួរកត់សម្គាល់ផងដែរថា ការចម្លងមេរោគនេះត្រូវកត់ត្រាដោយ Trend Micro កាលពីដើមខែនេះ មេរោគ Gootkit មានគោលដៅវាយប្រហារលើវិស័យសុខាភិបាល។ មេរោគ Gootkit មានសមត្ថភាពលាក់កូដនៅក្នុង JavaScript libraries ដូចជា Chroma.js និង Underscore.js ដើម្បីគេចពីការរកឃើញ។ អ្នកស្រាវជ្រាវនៅ Mandiant ថ្លែងថា ការផ្លាស់ប្តូរទាំងនេះគឺជាឧទាហរណ៍នៃការអភិវឌ្ឍ និងការរីកចម្រើនរបស់ក្រុម UNC2565៕
ប្រែសម្រួលដោយ៖ កញ្ញា