យោងតាមព្រះរាជអាជ្ញាកាណាដាឱ្យដឹងថាសហរដ្ឋអាមេរិកកំពុងអះអាងថាប្រធានហិរញ្ញវត្ថុនៃក្រុមហ៊ុនបច្ចេកវិទ្យាដ៏ធំរបស់ចិន Huawei ការពារលើការដាក់ទណ្ឌកម្មលើប្រទេសអ៊ីរ៉ង់។ លោកស្រី Meng Wanzhou ដែលត្រូវគេចាប់ខ្លួននៅ Vancouver និងប្រឈមមុខនឹងការបញ្ជូនខ្លួន ទៅកាន់សហរដ្ឋអាមេរិកត្រូវគេជឿថាជួយឱ្យក្រុមហ៊ុន Huawei រួចពីការដាក់ទណ្ឌកម្មរបស់សហរដ្ឋអាមេរិក។ ព្រះរាជអាជ្ញានិយាយនៅឯសវនាការថា លោកស្រី Meng Wanzhou គួរតែត្រូវដោះលែងដោយការបង់ប្រាក់ធានានៅថ្ងៃសុក្រ។
មេធាវីរបស់នាងនិយាយថានាងមានទំនាក់ទំនងជាមួយប្រទេសកាណាដាហើយក៏មិនបង្ករហានិភ័យអ្វីដែរ។ ចៅក្រមបន្ទាប់ពីស្តាប់ការជំទាស់ពីមេធាវីនិងព្រះរាជអាជ្ញារបស់លោកស្រី Meng Wanzhou មិនសម្រេចលើការបង់ប្រាក់ធានាទេ។ សវនាការនឹងចាប់ផ្តើមពីថ្ងៃចន្ទនៅម៉ោង 1 រសៀល ET។ ចៅក្រមទទួលយកការស្នើសុំរបស់លោកស្រី Meng Wanzhou ដោយរារាំងទាំងប៉ូលិសនិងព្រះរាជអាជ្ញាអំពីការចេញផ្សាយព័ត៌មានអំពីរឿងក្ដីនេះមុនពេលបើកសវនាការ។
ចៅក្រមនៅតុលាការមួយរបស់សហរដ្ឋអាមេរិកចេញដីកាចាប់ខ្លួនលោកស្រី Meng Wanzhou តាំងពីថ្ងៃទី 22 ខែសីហា ត្រូវគេបង្ហាញឱ្យដឹងនៅឯសវនាការកាលពីថ្ងៃសុក្រ។ ដោយនាងត្រូវចាប់ខ្លួននៅថ្ងៃទី 1 ខែធ្នូ។ កាលពីដើមសប្តាហ៍នេះក្រុមហ៊ុន Huawei និយាយថាលោកស្រី Meng Wanzhou ត្រូវចាប់ឃុំខ្លួនដោយអាជ្ញាធរកាណាដាតាមសំណើររបស់សហរដ្ឋអាមេរិកនៅពេលលោកស្រីកំពុងផ្ទេរជើងហោះហើរនៅកាណាដា។
នៅក្នុងសេចក្តីថ្លែងការណ៍មួយបន្ទាប់ពីសវនាការថ្ងៃសុក្រក្នុងប្រទេសកាណាដាក្រុមហ៊ុន Huawei និយាយថា: “យើងនឹងបន្តតាមដានសវនាការនៅថ្ងៃចន្ទ។ យើងមានការជឿជាក់ថាប្រព័ន្ធច្បាប់កាណាដានិងសហរដ្ឋអាមេរិកមានការសន្និដ្ឋានត្រឹមត្រូវ” ។ ក្រុមហ៊ុនឱ្យដឹងថាខ្លួនមិនដឹងអំពីការធ្វើខុសរបស់អ្នកស្រីឡើយដោយថាគេ«គោរពតាមច្បាប់និងបទប្បញ្ញត្តិដែលកំពុងអនុវត្ត»។
ក្រៅពីតួនាទីរបស់គាត់ក្នុងនាមជាប្រធានហិរញ្ញវត្ថុលោកស្រីជាអនុប្រធានក្រុមប្រឹក្សាភិបាលរបស់ក្រុមហ៊ុន Huawei និងជាកូនស្រីរបស់ស្ថាបនិកក្រុមហ៊ុន Huawei គឺលោក Ren Zhengfei ។ មេធាវីរបស់លោកស្រីនិយាយថានាងមិនល្មើសនឹងបទបញ្ជារបស់តុលាការទេពីព្រោះការធ្វើបែបនេះនឹងធ្វើឱ្យនាងអាម៉ាស់មុខហើយក៏នឹងធ្វើឱ្យអាម៉ាស់មុខដល់ឪពុកនាងក្រុមហ៊ុន Huawei និងប្រទេសចិនផងដែរ។ លោកបន្ថែមថាករណីប្រឆាំងនឹងលោកស្រីមិនត្រូវគេដាក់ចេញទាំងស្រុងទេបើទោះជាសហរដ្ឋអាមេរិកចុះហត្ថលេខាលើដីកាចាប់ខ្លួនរបស់នាងកាលពីប៉ុន្មានខែមុនក៏ដោយ។
ក្នុងនោះលោកស្រីធ្វើអ្វីគ្រប់យ៉ាងដែលលោកស្រីអាចធ្វើទៅដើម្បីឱ្យមានតម្លាភាពជាមួយដៃគូធនាគាររបស់ក្រុមហ៊ុន Huawei ហើយក្រុមហ៊ុននេះតែងតែធ្វើការដើម្បីធានានូវការអនុលោមតាមច្បាប់នឹងការដាក់ទណ្ឌកម្មរបស់ខ្លួន។ ក្រុមហ៊ុន Huawei គឺជាក្រុមហ៊ុនផលិតស្មាតហ្វូននិងឧបករណ៍ Network ដ៏ធំបំផុតរបស់ពិភពលោកនិងជាក្រុមហ៊ុនដ៏ល្បីល្បាញមួយរបស់ប្រទេសចិន។ ប៉ុន្តែការព្រួយបារម្ភថាឧបករណ៍របស់ក្រុមហ៊ុន Huawei បង្កហានិភ័យផ្នែកសន្តិសុខជាតិធ្វើឱ្យប៉ះពាល់ដល់សមត្ថភាពរបស់ខ្លួនក្នុងការរីកលូតលាស់នៅបរទេស។
ភ្នាក់ងារចារកម្មអាមេរិកនិយាយថាប្រជាពលរដ្ឋអាមេរិកមិនគួរប្រើទូរស័ព្ទរបស់ក្រុមហ៊ុន Huawei ហើយទីភ្នាក់ងាររដ្ឋាភិបាលសហរដ្ឋអាមេរិកត្រូវហាមឃាត់មិនឱ្យទិញឧបករណ៍របស់ក្រុមហ៊ុន។ លោក Navarro ទទួលស្គាល់ថានេះជារឿងចម្លែកដែលការចាប់ខ្លួនលោកស្រីកើតឡើងស្របពេលដែលប្រធានាធិបតីសហរដ្ឋអាមេរិកលោក Donald Trump និងប្រធានាធិបតីចិនលោក ស៊ីជីនភីង ឈានដល់កិច្ចព្រមព្រៀងពាណិជ្ជកម្មមួយនៅក្នុងប្រទេសអាហ្សង់ទីនប៉ុន្តែនិយាយថាសកម្មភាពរបស់រដ្ឋាភិបាលគឺស្របច្បាប់៕
ប្រភព៖
https://edition.cnn.com/2018/12/07/tech/huawei-cfo-us-case/index.html
