ប៉ុន្មានថ្ងៃនេះ អ៊ីនធឺណិតក្នុងប្រទេសកម្ពុជាបានរងការវាយប្រហារ ដែលធ្វើឲ្យការប្រើប្រាស់សេវាមានភាពរអាក់រអួល។ ក្រុមហ៊ុនធំៗមាន Ezecom និង CityLink បានចេញការជូនដំណឹងពីការវាយប្រហារ DDoS ដោយក្រុមមិនស្គាល់អត្តសញ្ញាណ។
តើការវាយប្រហារតាម DDoS មានភាពសាហាវបែបណាទៅ?
ការវាយប្រហារបែប DDoS (Distributed Denial of Service) ពាក់ព័ន្ធការរំខានទៅដល់ប្រតិបត្តិការនៃប្រព័ន្ធកុំព្យូទ័រ ឬក៏បណ្តាញដែលភ្ជាប់ទៅកាន់អ៊ីនធឺណិត។ ទម្រង់មួយនៃការវាយប្រហារគឺធ្វើឲ្យ bandwidth របស់បណ្តាញរងគ្រោះមានទំហំធំ ឬលើសពីការទ្រាំទ្របាន។
តាមគេហទំព័រដដែល ការវាយប្រហារតាមទម្រង់ DDoS គឺមានគ្រោះថ្នាក់ខ្លាំង ដោយការប្រើប្រាស់នូវបណ្តាញជាច្រើន (Zombie computers) ដើម្បីវាយប្រហារទៅកាន់គោលដៅតែមួយ ដែលជាហេតុធ្វើឲ្យពិបាកកំណត់អត្តសញ្ញាណប្រភពអ្នកវាយប្រហារ។ ការវាយប្រហារបែប DDoS មានការលំបាកក្នុងការទប់ទល់ណាស់ ហើយជនរងគ្រោះត្រូវចំណាយធនធានច្រើន ដើម្បីទប់ទល់ការវាយប្រហារ ក្នុងគោលបំណងចៀសវាងការគាំងមិនដំណើរការ៕
![](https://i0.wp.com/cdn.nctc.gov.kh/2019/04/5be25e3aa8f39_1541561880_large.jpg?resize=696%2C464&ssl=1)