យោងតាមអ្នកនាំពាក្យលោក Attaullah Khogyani និយាយថា មនុស្សប្រហែល ៤០ នាក់ត្រូវបានគេជឿថាស្លាប់ ឬរងរបួសនៅក្នុងការបំផ្ទុះគ្រាប់បែកអត្តឃាតមួយកាលពីថ្ងៃអង្គារនៅឯពិធីបុណ្យសពរបស់មេបញ្ជាការប៉ូលិសមួយរូបនៅក្នុងខេត្ត Nangarhar ភាគខាងកើតនៃប្រទេសអាហ្វហ្គានីស្ថាន។ លោក Khogyani និយាយថាអ្នកវាយប្រហារបានបំផ្ទុះគ្រឿងផ្ទុះរបស់គាត់នៅពាក់កណ្តាលពិធី។
ដោយដកស្រង់របាយការណ៍របស់ប៉ុស្តិ៍ទូរទស្សន៍ Ariana News របស់ប្រទេសអាហ្វហ្គានីស្ថានយ៉ាងហោចណាស់មនុស្ស ១០ នាក់បានស្លាប់នៅក្នុងការវាយប្រហារនេះ។ រហូតមកដល់ពេលនេះមិនទាន់មានក្រុមណាមួយចេញមុខអះអាងទទួលខុសត្រូវចំពោះការវាយប្រហារនេះទេ។
Nangarhar ជាខេត្តមួយនៅជិតព្រំដែនប្រទេសប៉ាគីស្ថានគឺជាកន្លែងរឹងមាំសម្រាប់ក្រុមរដ្ឋអ៊ីស្លាម (IS អតីត ISIS) និងក្រុមសកម្មប្រយុទ្ធតាលីបង់ហើយជួបប្រទះនឹងការប្រយុទ្ធដ៏ខ្លាំងក្លាបំផុតក្នុងរយៈពេលប៉ុន្មានឆ្នាំចុងក្រោយនេះ៕
ប្រភព RT ចុះផ្សាយថ្ងៃទី ១២ ខែឧសភា ឆ្នាំ ២០២០
