ប្រធានាធិបតីអាហ្វហ្កានីស្ថានលោក Ashraf Ghani បានបញ្ជាឲ្យកងកម្លាំងយោធាផ្លាស់ប្តូរឥរិយាបទប្រុងប្រៀបធ្វើការវាយលុកវិញនៅថ្ងៃអង្គារ ដោយងាកចេញពីជំហរការពារ ដែលលោកធ្លាប់បានចូលរួមក្នុងកិច្ចប្រឹងប្រែងដើម្បីកាត់បន្ថយអំពើហិង្សា នៅពេលដែលសហរដ្ឋអាមេរិកបានព្យាយាមចរចាដើម្បីទទួលបានសន្តិភាព។
លោក Ghani មានប្រសាសន៍នៅក្នុងសេចក្តីថ្លែងការណ៍តាមទូរទស្សន៍ថា៖ “ដើម្បីទទួលបានសុវត្ថិភាពសម្រាប់សារធារណៈ និងកម្ចាត់ការវាយប្រហារ ទប់ស្កាត់ការគំរាមកំហែងពីក្រុមតាលីបង់(Taliban) និងក្រុមភេរវករ ខ្ញុំបានបញ្ជាឱ្យកងកម្លាំងសន្តិសុខអាហ្វហ្គានីស្ថានផ្លាស់ប្តូរជំហរពីប្រតិបត្តិការការពារមកប្រកាន់យកឥរិយាបទត្រៀមប្រយុទ្ធវិញ ហើយពួកគេនឹងចាប់ផ្តើមធ្វើប្រតិបត្តិការប្រឆាំងនឹងសត្រូវ។
ការអត្ថាធិប្បាយនេះធ្វើឡើងក្រោយពីមានករណីអំពើហិង្សាកើតឡើង ដោយមានខ្មាន់កាំភ្លើងសម្លាប់មនុស្សចំនួន១៦នាក់នៅគ្លីនិកសម្ភពមួយក្នុងទីក្រុងកាប៊ុលនិងមានករណីវាយប្រហារបណ្តាលឱ្យមនុស្សច្រើនជាងចំនួន ២០នាក់ស្លាប់នៅក្នុងការវាយប្រហារគ្រាប់បែកអត្តឃាតក្នុងពិធីបុណ្យសពមួយនៅភាគខាងកើតប្រទេសអាហ្វហ្គានីស្ថាន។ ក្រុមតាលីបង់បដិសេធថា ពួកគេពុំមានពាក់ព័ន្ធនឹងការវាយប្រហារនោះទេ៕
ប្រភពព័ត៌មានRT ផ្សាយថ្ងៃទី១២ ខែឧសភា ឆ្នាំ២០២០
