លោកប្រធានាធិបតី Xi Jinping មានប្រសាសន៍នៅថ្ងៃអង្គារនេះថា ប្រទេសចិននឹងបង្កើនការត្រៀមលក្ខណៈសម្រាប់ការប្រយុទ្ធប្រដាប់អាវុធ និងបង្កើនសមត្ថភាពរបស់ខ្លួនក្នុងការបំពេញភារកិច្ចយោធា ខណៈដែលជំងឺឆ្លងរាតត្បាតកំពុងតែមានឥទ្ធិពលយ៉ាងខ្លាំងដល់សន្តិសុខជាតិ។
ទូរទស្សន៍រដ្ឋបានផ្សាយថា ការអនុវត្តរបស់ប្រទេសក្នុងការប្រយុទ្ធប្រឆាំងនឹងវីរុសថ្មីនេះបានបង្ហាញពីជោគជ័យនៃកំណែទម្រង់យោធា។ លោកបានបន្ថែមថា កងកំលាំងប្រដាប់អាវុធគួរតែរិះរកវិធីបណ្តុះបណ្តាលថ្មីៗខណៈពេលមានជំងឺឆ្លងរាតត្បាតរាលដាល។
លោកស៊ីជាប្រធានគណៈកម្មាធិការយោធាកណ្តាលរបស់ប្រទេសចិន។
លោកបានថ្លែងនៅពេលលោកកំពុងចូលរួមក្នុងកិច្ចប្រជុំពេញអង្គរបស់គណៈប្រតិភូនៃកងទ័ពរំដោះប្រជាជន និងកម្លាំងប៉ូលិសប្រដាប់អាវុធរបស់ប្រជាជននៅខាងក្រៅសម័យប្រជុំសភាប្រចាំឆ្នាំ៕
ប្រភពព័ត៌មាន RT ផ្សាយថ្ងៃទី២៦ ខែឧសភា ឆ្នាំ២០២០
