ការផ្ទុះអាវុធបានកើតឡើងនៅទីក្រុង Srinagar ដែលជារដ្ឋធានីនៃតំបន់កាស្មៀរជាផ្នែកដែលគ្រប់គ្រងដោយប្រទេសឥណ្ឌា។
ប៉ូលិសនិយាយថា សមាជិកសកម្មប្រយុទ្ធចំនួន៣នាក់ត្រូវបានសម្លាប់នៅថ្ងៃអាទិត្យក្នុងការប្រយុទ្ធគ្នាយ៉ាងសាហាវមួយរវាងសមាជិកសកម្មប្រយុទ្ធជាមួយកងកម្លាំងរដ្ឋាភិបាលនៅក្នុងតំបន់កាស្មៀរដែលគ្រប់គ្រងដោយប្រទេសឥណ្ឌា។
មន្ត្រីប៉ូលិសជាន់ខ្ពស់ម្នាក់និយាយថា ការប្រយុទ្ធដោយប្រើកាំភ្លើងបានកើតឡើងនៅក្នុងតំបន់ Zadibal-Soura និងបានសម្លាប់សមាជិកក្រុមសកម្មប្រយុទ្ធចំនួន៣នាក់។ប្រភពបន្ថែមថា ប្រតិបត្តិការនេះធ្វើឡើងនៅក្នុងមូលដ្ឋាន ក្រោយពីភ្នាក់ងារស៊ើបការណ៍សម្ងាត់បង្ហាញពីទីតាំងជាក់លាក់របស់ក្រុមសកម្មប្រយុទ្ធ។
យ៉ាងណាមិញ កងឆ្មាំ ឬប៉ូលិសឥណ្ឌាមិនបានរងគ្រោះថ្នាក់ក្នុងពេលឈរជើងឡើយ។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ផ្សាយថ្ងៃទី២១ ខែមិថុនា ឆ្នាំ២០២០
