ប្រព័ន្ធផ្សព្វផ្សាយក្នុងស្រុកបានរាយការណ៍ថាក្រុមសកម្មប្រយុទ្ធនៅលើរថយន្តដឹកទំនិញបានវាយប្រហារទៅលើក្បួនផ្គត់ផ្គង់ភស្តុភារមួយឆ្ពោះទៅកាន់មូលដ្ឋានយោធាអាមេរិកមួយនៅក្នុងប្រទេសអ៊ីរ៉ាក់ដោយបង្ខំឲ្យក្បួននេះត្រូវបញ្ឈប់ និងត្រូវដុត។
ឧប្បត្តិហេតុនេះបានកើតឡើងនៅលើមហាវិថី Samawah-Diwaniya ខណៈក្បួនរថយន្តដែលប្រតិបត្តិការដោយពលរដ្ឋអ៊ីរ៉ាក់ និងដឹកសម្ភារៈផ្គត់ផ្គង់ពី Basra ទៅកាន់មូលដ្ឋានទ័ពអាមេរិកមួយនៅអ៊ីរ៉ាក់បានរងការវាយប្រហារដោយអ្នកវាយប្រហារដែលមិនស្គាល់អត្តសញ្ញាណកាលពីយប់ថ្ងៃសៅរ៍។
វាមិនមានរបាយការណ៍នៃការស្លាប់និងរបួសនៅក្នុងការវាយប្រហារដ៏អ៊ូអរនោះទេ ប៉ុន្តែយ៉ាងហោចណាស់មានរថយន្តចំនួន ៣ គ្រឿងត្រូវបានបំផ្លាញទាំងស្រុងនៅក្នុងការវាយឆ្មក់ដែលជាក់ស្តែងមានរយៈពេលមិនដល់ ១០ នាទីផងនោះ។វីដេអូនិងរូបថតដែលត្រូវបានគេបង្ហោះទៅក្នុងបណ្តាញសង្គមដែលត្រូវបានគេអះអាងថាបានចាប់បានបន្ទាប់ពីការវាយប្រហារបានបង្ហាញពីអណ្តាតភ្លើងយ៉ាងខ្លាំងកំពុងឆាបឆេះរថយន្តដឹកទំនិញទាំងនេះផងដែរ៕
សម្រួល៖ សុផា
ប្រភព RT ចុះផ្សាយថ្ងៃទី ១២ ខែកក្កដា ឆ្នាំ ២០២០
