អ៊ីរ៉ាក់​នឹង​បន្ត​នាំចេញ​ប្រេង​ទៅកាន់​ប្រទេស​ហ្សកដានី

0

រដ្ឋមន្ត្រីក្រសួង​ថាមពល និង​ធនធាន​រ៉ែ​ហ្ស៊​កដា​នី​លោកស្រី Hala Zawati កាលពី​ថ្ងៃ​ព្រហស្បតិ៍​នេះ​បានប្រកាសថា​អ៊ីរ៉ាក់​នឹង​ចាប់ផ្តើម​បូម​ប្រេង​ឡើងវិញ​បន្ទាប់ពី​បាន​បំពេញ​នីតិវិធី​ខាង​ដឹកជញ្ជូន។

នៅក្នុង​សេចក្តីប្រកាស​ព័ត៌មាន​លោកស្រី Zawati បាន​និយាយថា​កាលពី​សប្តាហ៍​មុន​ភាគី​ទាំង​ពីរបាន​ឯកភាពគ្នា​ឡើងវិញ​នូវ​ការនាំចេញ​ប្រេង​ពី​អ៊ីរ៉ាក់​ទៅកាន់​ក្រុមហ៊ុន​ចម្រាញ់​ប្រេង​ហ្សកដានី​ដែលមាន​មូលដ្ឋាន​នៅ Zarqa ដោយ​សង្កត់ធ្ងន់​ទៅលើ​សារៈសំខាន់​នៃ​វិធានការ​ក្នុងការ​ជំរុញ​កិច្ចសហប្រតិបត្តិការ​ទ្វេភាគី​លើ​វិស័យ​ថាមពល។

គួររំលឹកថា​បន្ទាប់ពី​មាន​ការរីក​រាលដាល​នៃ​ជំងឺ​កូ​វីដ១៩លោកស្រី​រដ្ឋមន្ត្រី​បាន​បញ្ជាក់ថា​រថយន្ត​ដឹក​ប្រេង​អ៊ីរ៉ាក់​ត្រូវបាន​ដឹកជញ្ជូន​តាម​ព្រំដែន​ត្រឡប់ក្រោយ​ស្របតាម​នីតិវិធី​របស់​រដ្ឋាភិបាល​ដើម្បី​បន្ថយ​ការរីក​រាលដាល​នៃ​ជំងឺ​នេះ។

យោងតាម​អនុស្សរណៈ​នៃ​ការយោគយល់​ដែល​បាន​ចុះហត្ថលេខា​កាលពី​ខែកុម្ភៈ​ឆ្នាំ ២០១៩ ប្រទេស​ហ្ស៊​កដា​នី​បាន​ទិញ​ប្រេង​អ៊ីរ៉ាក់​ជា​មធ្យម ១០,០០០ បារ៉ែល​ក្នុង​មួយថ្ងៃ។

អ្នក​ប្រែ​សម្រួល៖ គល់ សេង​ហាក់
ប្រភពព័ត៌មាន​ពី baghdadpost ចេញផ្សាយ​ថ្ងៃទី ១៧ ខែ​កក្ត​ដា ឆ្នាំ២០២០

LEAVE A REPLY

Please enter your comment!
Please enter your name here