ប្រជាជននៅទីក្រុងបាសេឡូណាត្រូវបានគេជម្រុញឱ្យស្នាក់នៅផ្ទះ និងមិនអនុញ្ញាតអោយប្រមូលផ្តុំជាក្រុមៗដែលមានគ្នាច្រើនជាង ១០ នាក់នៅថ្ងៃសុក្រនេះ ព្រោះវាអាចជាមធ្យោបាយមួយដើម្បីទប់ស្កាត់ការកើនឡើងនៃករណីឆ្លងវីរុសកូរ៉ូណានេះ។ យ៉ាងណាមិញ អាជ្ញាធរក្នុងតំបន់នឹងដាក់ធ្វើការបិទទីក្រុងផងដែរនៅក្នុងករណីដែលចាំបាច់នោះ។
លោក Alba Verges ប្រធានផ្នែកសុខភាពរបស់ Catalonia បានមានប្រសាសន៍ថា“ យើងសូមណែនាំថាប្រជាជនមិនត្រូវផ្លាស់ទីលំនៅប្រសិនបើវាមិនចាំបាច់។ វាមានសារៈសំខាន់ណាស់ក្នុងការគោរពវិធានការទាំងនេះឥឡូវនេះវាជាវិធីល្អបំផុតដើម្បីចៀសវាងការបិទទីក្រុងនេះ” ។
សារមន្ទីរនឹងនៅតែបើកចំហនៅក្នុងរដ្ឋធានីកាតាឡានដែលជាទីក្រុងមួយក្នុងចំណោមទីក្រុងជាច្រើនដែលមានអ្នកទេសចរមកទស្សនាច្រើនបំផុតនៅអឺរ៉ុប។ ទីក្រុងបាសេឡូណាបានឃើញចំនួនករណីឆ្លងវីរុសកូរ៉ូណានេះកើនឡើងពីសប្តាហ៍មុននេះ។ ទីភ្នាក់ងារសារព័ត៌មានរ៉យទ័របាននិយាយថាប្រទេសអេស្បាញបានរាយការណ៍នូវការលោតឡើងខ្ពស់បំផុតប្រចាំថ្ងៃក្នុងការឆ្លងវីរុសកូរ៉ូណាក្នុងរយៈពេលជាងពីរខែនេះ ហើយកាលពីថ្ងៃព្រហស្បតិ៍វាមានករណីថ្មីចំនួន ៥៨០ ករណីផងដែរ៕
សម្រួល៖ សុផា
ប្រភព RT ចុះផ្សាយថ្ងៃទី ១៧ ខែកក្កដា ឆ្នាំ ២០២០
