ទាហានអ៊ីរ៉ាក់២នាក់ត្រូវបានសម្លាប់បន្ទាប់ពីក្រុមសកម្មប្រយុទ្ធ ISIS បានវាយប្រហារទៅលើទីតាំងយោធាមួយនៅក្នុងខេត្ត Salahuddin។
សារព័ត៌មាន Baghdad Post បានដកស្រង់ប្រភពសន្តិសុខដែលបាននិយាយថាក្រុមសកម្មប្រយុទ្ធ ISIS បានវាយប្រហារលើចំណុចយោធារបស់កងទ័ពអ៊ីរ៉ាក់នៅ Matibiah ក្នុងខេត្ត Salahuddin កាលពីល្ងាចថ្ងៃពុធ។
ប្រភពបាននិយាយថាទាហានអ៊ីរ៉ាក់៣នាក់ផ្សេងទៀតក៏បានរងរបួសផងដែរនៅក្នុងការវាយប្រហារនេះ។
គួររំលឹកថាប្រទេសអ៊ីរ៉ាក់បានប្រកាសពីជ័យជម្នះរបស់ខ្លួនលើក្រុម ISIS កាលពីខែធ្នូឆ្នាំ២០១៧ ប៉ុន្តែក្រុមសកម្មប្រយុទ្ធបានប្រមូលផ្តុំគ្នានៅជួរភ្នំ Hamrin ដែលលាតសន្ធឹងតាមបណ្តាខេត្តភាគខាងជើងដែលតំបន់នេះគេហៅថា ”តំបន់ត្រីកោណនៃសេចក្តីស្លាប់។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី ៦ ខែសីហា ឆ្នាំ២០២០
