ការិយាល័យស៊ើបអង្កេត Rwanda Investigation Bureau (RIB) និយាយថា ការិយាល័យរបស់ខ្លួនបានចាប់ខ្លួនលោក Paul Rusesabagina ពីបទសង្ស័យថា បានបង្កើតនិងឧបត្ថម្ភសម្លៀកបំពាក់ដល់ក្រុមភេរវកម្ម ដែលក្រុមនេះកំពុងធ្វើប្រតិបត្តិការនៅតាមទីកន្លែងផ្សេងៗនៅក្នុងតំបន់ និងទាំងនៅបរទេស។
កាសែត The New Times បានដកស្រង់សម្តីពីការិយាល័យ RIB ថា លោក Rusesabagina ត្រូវគេចាប់ខ្លួនក្រោមកិច្ចសហប្រតិបត្តិការអន្តរជាតិ ហើយលោកកំពុងជាប់ឃុំខ្លួនក្នុងការគ្រប់គ្រងរបស់ប៉ូលិសខណៈដែលករណីរឿងក្តីរបស់គាត់កំពុងស្ថិតនៅក្រោមចាត់ការតាមនីតិវិធីព្រហ្មទណ្ឌរបស់ប្រទេស Rwandan ។
លោក Rusesabagina ធ្លាប់ផ្តល់ការជួយសង្គ្រោះដល់ជនជាតិដើម Tutsis ចំនួនរាប់រយនាក់ក្នុងកំឡុងពេលរបបប្រល័យពូជសាសន៍នៅសណ្ឋាគារ Hotel Rwanda ប៉ុន្តែអ្នកនៅរស់រានមានជីវិតខ្លះបានប្រកែកចំពោះរឿងនេះ។ យោងតាមប្រភពរយៈគេហទំព័រ Twitter របស់ RIB បានឲ្យដឹងថា ការចាប់ខ្លួនលោក Rusesabagina គឺជាការចាប់ខ្លួនមានដីកាចាប់ខ្លួនពីអន្តរជាតិពីបទភេរវកម្មការ លួច ចាប់ជំរិត និងអំពើរឃាតកម្មដែលប្រឆាំងនឹងជនស៊ីវិលនៅលើទឹកដីRwandan។
កាសែត New Times ផ្សាយថា បុរសអាយុ៦៦ឆ្នាំរូបនេះត្រូវគេចោទប្រកាន់ថា ជាអ្នកនៅពីក្រោយការវាយប្រហារជាច្រើនក្នុងនោះមានទាំងការវាយប្រហារមួយនៅក្នុងស្រុកNyungwe-Nyamagabe នៅខែមិថុនា ឆ្នាំ២០១៨ និងការវាយប្រហារនៅស្រុក Nyungwe-Nyamagabe នៅខែធ្នូ ឆ្នាំ២០១៨។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ផ្សាយថ្ងៃទី៣១ ខែសីហា ឆ្នាំ២០២០
