ទូរទស្សន៍ Houthi គ្រប់គ្រងដោយ al-Masirah របស់ប្រទេសអារ៉ាប៊ីសាអូឌីតចុះផ្សាយថានៅថ្ងៃព្រហស្បតិ៍ ម្សិលមិញនេះកងជីវពល Houthi របស់ប្រទេសយេម៉ែនបាននិយាយថាពួកគេបាញ់មីស៊ីលផ្លោង និងដ្រូន ចំនួន០៤គ្រាប់ឆ្ពោះទៅរដ្ឋធានី Riyadh របស់ប្រទេសអារ៉ាប់ប៊ីសាអូឌីត។
អ្នកនាំពាក្យលោក Yahya Sarea មានប្រសាសន៍ថា៖ “ ការវាយប្រហារជាច្រើនកំណត់គោលដៅទៅលើទីក្រុង Riyadh” ។
លោកមានប្រសាសន៍ដោយមិនបញ្ជាក់ពីព័ត៌មានលម្អិតបន្ថែមទៀតថា ការវាយប្រហារធ្វើឡើងដើម្បីឆ្លើយតបទៅនឹងកំណើនរបស់កងកម្លាំងចម្រុះដឹកនាំដោយអារ៉ាប៊ីសាអូឌីត។
ប្រទេសអារ៉ាប៊ីសាអ៊ូឌីតមិនទាន់បានធ្វើសេចក្តីអត្ថាធិប្បាយអ្វីនៅឡើយទេជុំវិញការវាយប្រហារដែលត្រូវបានគេចោទប្រកាន់។
វាគឺជាការវាយប្រហារលើកទី០៤ ដែល កងជីវពល Houthi បានប្រកាសនៅក្នុងរយៈពេលតិចជាងមួយសប្តាហ៍។ ការវាយប្រហារមុន ៗ ត្រូវបានស្ទាក់ចាប់ នេះយោងទៅតាមសេចក្តីថ្លែងការណ៍របស់ក្រុមចម្រុះដឹកនាំដោយអារ៉ាប៊ីសាអូឌីត។
គួររំលឹកផងដែរថា សង្គ្រាមស៊ីវិលនៅក្នុងប្រទេសយេម៉ែនបានចាប់ផ្តើមនៅចុងឆ្នាំ២០១៤ នៅពេលដែលក្រុមឧទ្ទាម Houthis គាំទ្រដោយអ៊ីរ៉ង់បានកាន់កាប់តំបន់ជាច្រើននៅភាគខាងជើងប្រទេស និងបានបង្ខំរដ្ឋាភិបាលដែលទទួលស្គាល់ជាអន្តរជាតិប្រធានាធិបតីលោក Abd-Rabbu Mansour Hadi ចេញពីរដ្ឋធានីសាណា។
សម្ព័ន្ធយោធាដឹកនាំដោយអារ៉ាប៊ីសាអូឌីតបានធ្វើអន្តរាគមន៍ក្នុងជម្លោះប្រទេសយេម៉ែននៅខែមីនា ឆ្នាំ២០១៥ ដើម្បីគាំទ្ររដ្ឋាភិបាល Hadi ។
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១១ ខែកញ្ញា ឆ្នាំ២០២០
