ភ្នាក់ងារព័ត៌មានជាតិរាយការណ៍ថា ទាហានលីបង់សរុបចំនួន០២នាក់ និងសមាជិកសកម្មប្រយុទ្ធ០១ស្លាប់នៅព្រឹកថ្ងៃអាទិត្យ ទី២៧ នៅក្នុងហេតុការណ៍ប៉ះទង្គិចប្រដាប់អាវុធនៅភាគខាងជើងប្រទេសលីបង់។
ក្រុមសកម្មប្រយុទ្ធដែលជាកម្មសិទ្ធិរបស់ក្រុមរដ្ឋអ៊ីស្លាមបានបើកការបាញ់ប្រហារទៅលើសមាជិកកងទ័ពនៅតំបន់ Minieh ហើយទាហានក៏បានបាញ់តបតវិញ។ សកម្មប្រយុទ្ធចំនួន០២នាក់ផ្សេងទៀតបានរត់គេចខ្លួន។
ការប៉ះទង្គិចស្រដៀងគ្នានេះក៏បានកើតឡើងផងដែរនៅក្នុងតំបន់ Wadi Khaled នៅយប់ថ្ងៃសៅរ៍ ទី២៦ សប្តាហ៍មុន ដែលបណ្តាលឱ្យសមាជិកក្រុមសកម្មប្រយុទ្ធចំនួន១៣នាក់ស្លាប់ និងចំនួន ១៥នាក់ផ្សេងទៀតត្រូវសមត្ថកិច្ចចាប់ខ្លួនបាន។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៧ ខែកញ្ញា ឆ្នាំ២០២០
