ប៉ូលិសនិយាយថា ប៉ូលិសបានចាប់ខ្លួនមនុស្សចំនួនពីរនាក់ដែលបានរត់គេចពីពន្ធនាគារនៅភាគខាងត្បូងប្រទេសថៃនៅថ្ងៃពុធ ទី៣0។
យោងតាមប្រភពព័ត៌មានពីលោកវរសេនីយ៍ទោ Boonsong Longwaree បានឲ្យដឹងថា ខណៈជាប់ច្រវាក់ព័ទ្ធជុំវិញកជើង ពួកគេទាំងពីរនាក់បានកាត់ខ្សែលួសបន្លានៅខាងក្រោយអាគារដែលពួកគេស្នាក់នៅ និងបានប្រើភួយដើម្បីឡើងលើជញ្ជាំងកំពស់៥ម៉ែត្ររបស់ពន្ធនាគារនៅក្នុងខេត្ត Krabi។
ប៉ូលិសបានឆែកឆេរនៅទីប្រជុំជនក្បែរពន្ធនាគារ Krabi រួមទាំងស្ថានីយ៍រថយន្ដក្រុងដែលមានមនុស្សច្រើន និងនៅតាមទីធ្លារដ្ឋាភិបាលដើម្បីតាមប្រមាញ់អ្នករត់គេចជាប់ទោសលើករណីគ្រឿងញៀន។
ជនជាប់ទោសទាំងពីរនាក់មានឈ្មោះថា Monthon Khansaman មានអាយុ ៤៧ឆ្នាំ និង Anon Denmat មានអាយុ ៣២ឆ្នាំអ្នកទាំងពីរជាជនជាតិដើមភាគខាងត្បូង។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី៣០ ខែកញ្ញា ឆ្នាំ២០២០
