ឯកអគ្គរដ្ឋទូតរុស្ស៊ីប្រចាំនៅអ៊ីរ៉ង់បាននិយាយថាទីក្រុងមូស្គូនឹងមិនមានបញ្ហាអ្វីទេក្នុងការលក់ប្រព័ន្ធការពារអាកាសទំនើបមួយទៅកាន់ទីក្រុងតេអេរ៉ង់នៅពេលដែលការហាមឃាត់អាវុធរបស់អង្គការសហប្រជាជាតិទៅលើសាធារណរដ្ឋអ៊ីស្លាមដែលនឹងផុតកំណត់នៅចុងខែនេះ។
យោងតាមទីភ្នាក់ងារសារព័ត៌មាន Fars របស់អ៊ីរ៉ង់បានឱ្យដឹងថាលោក Levan Dzhagaryan បានប្រាប់កាសែត Resalat daily នៅក្នុងបទសម្ភាសន៍មួយដែលត្រូវបានចេញផ្សាយកាលពីថ្ងៃសៅរ៍នេះថា “យើងបាននិយាយចាប់តាំងពីថ្ងៃដំបូងថានឹងគ្មានបញ្ហាអីទេសម្រាប់ការលក់អាវុធទៅឱ្យអ៊ីរ៉ង់ចាប់ពីថ្ងៃទី១៩ ខែតុលានេះទៅ។
គួររំលឹកថាកាលពីខែសីហាក្រុមប្រឹក្សាសន្តិសុខអង្គការសហប្រជាជាតិបានបោះឆ្នោតបដិសេធចំពោះដំណោះស្រាយរបស់សហរដ្ឋអាមេរិកដែលពន្យារពេលដល់ការដាក់ទណ្ឌកម្មអាវុធលើអ៊ីរ៉ង់ដែលពេលនេះនឹងត្រូវផុតកំណត់នៅថ្ងៃទី១៨ ខែតុលា។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី ០៤ ខែតុលា ឆ្នាំ២០២០
