ប្រទេសម៉ាឡេស៊ីបានរាយការណ៍ថាមានករណីឆ្លងកូវីដ ១៩ ចំនួន ១០៣២ ករណីកាលពីថ្ងៃពុធ (៤ វិច្ឆិកា) ដែលចំនួននៃការឆ្លងសរុបរបស់ប្រទេសមានដល់ ៣៥.៤២៥ នាក់។ ក្រសួងសុខាភិបាលក៏បាននិយាយដែរថា វាមានអ្នកស្លាប់ថ្មីចំនួន ៨ នាក់ដែលធ្វើឱ្យចំនួនអ្នកស្លាប់ដោយសារជំងឺរាតត្បាតនេះកើនឡើងដល់ ២៧១ នាក់។
ក្នុងចំណោមករណីថ្មីទាំងនេះ វាមាន ៣ ករណីជាករណីនាំចូល។ រដ្ឋសាបាមានជាងពាក់កណ្តាលនៃករណីថ្មីដែលបានរាយការណ៍កាលពីថ្ងៃពុធដោយមានការឆ្លងថ្មីចំនួន ៦៤៦ ករណី។ រដ្ឋ Selangor បានរាយការណ៍ថា វាមានអ្នកឆ្លងចំនួន ២៣១ នាក់។
ប្រធានសភាលោក Azhar Azizan Harun បាននិយាយនៅព្រឹកថ្ងៃពុធនេះថាអគារសភារបស់ប្រទេសម៉ាឡេស៊ីនឹងត្រូវបានបញ្ជាឱ្យបិទប្រសិនបើមានករណីវិជ្ជមាននៃការឆ្លងមេរោគកូវីដ-១៩ ។ បច្ចុប្បន្ននេះសភាកំពុងបើកសម័យប្រជុំហើយជាមួយនឹងការរៀបចំកញ្ចប់ថវិកាឆ្នាំ ២០២១ ដែលគ្រោងធ្វើនៅថ្ងៃសុក្រនេះ។ សម័យប្រជុំនៅសប្តាហ៍នេះត្រូវបានកាត់បន្ថយរយៈពេលខ្លីបន្ទាប់ពីបុគ្គលិកនៅវិមានជាន់ខ្ពស់បានធ្វើតេស្តវិជ្ជមានចំពោះមេរោគកូវីដ ១៩ នេះ៕
