មន្ត្រីសូម៉ាលី និងសាក្សីបញ្ជាក់នៅថ្ងៃព្រហស្បតិ៍ថា យ៉ាងហោចណាស់មានទាហានចំនួន ៣នាក់ស្លាប់នៅយប់ថ្ងៃពុធ ក្នុងហេតុការណ៍ផ្ទុះមួយនៅទីប្រជុំជន Kismayo ភាគខាងត្បូងនៃតំបន់ Lower Juba ។
លោក Aidid Saleman Hashi រដ្ឋមន្ត្រីក្រសួងបរិស្ថាន និងទេសចរណ៍ Jubaland មានប្រសាសន៍ថា សមាជិកក្រុមសកម្មប្រយុទ្ធ al-Shabab បានប៉ុនប៉ងសម្លាប់គាត់ដោយប្រើគ្រាប់បែកមួយនៅក្នុងទីក្រុង ប៉ុន្តែលោកបានរត់គេចខ្លួនដោយពុំមានរងគ្រោះថ្នាក់នោះទេ។
លោក Hashi មានប្រសាសន៍ថា៖“ក្រុមសកម្មប្រយុទ្ធបានដាក់គ្រាប់មីននៅទីតាំងកាច់ជ្រុងបន្ទប់គ្រែរបស់ខ្ញុំប៉ុន្តែខ្ញុំមិនបាននៅទីនោះទេ។ មានទាហានចំនួន០៣នាក់ស្លាប់នៅក្នុងបន្ទប់នោះ” ។
លោកបន្ថែមថា ក្រោយមកកម្លាំងសន្តិសុខបានចូលមក និងបានឡោមព័ទ្ធទីតាំងនោះ ប៉ុន្តែពួកគេចាប់មិនបានអ្នកបង្កនោះទេ។ អ្នកស្រុកម្នាក់បានអះអាងថា៖“នៅពេលល្ងាច ពួកយើងបានលឺសម្លេងផ្ទុះដ៏ធំមួយ។ ប្រជាជននិយាយថា វាជាការបំផ្ទុះគ្រាប់បែកមួយដែលកំណត់គោលដៅទៅលើផ្ទះរបស់រដ្ឋមន្ត្រី។
គួររំលឹកផងដែរថា តំបន់ឆ្នេរសមុទ្រ Kismayo មានកំណើនឡើងនៃការវាយប្រហារ និងការធ្វើឃាតនៅក្នុងរយៈពេលប៉ុន្មានខែថ្មីៗនេះ ដោយការវាយប្រហារទាំងនោះរៀបចំដោយក្រុមភេរវកម្ម៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៣ ខែវិច្ឆិកា ឆ្នាំ២០២០
