កងកម្លាំងសន្តិសុខអ៊ីរ៉ាក់កាលពីថ្ងៃអាទិត្យនេះបានសម្លាប់សកម្មប្រយុទ្ធក្រុម ISISម្នាក់ ខណៈពេលដែលសកម្មប្រយុទ្ធរូបនេះកំពុងដាក់គ្រាប់បែកកែច្នៃ។
អ្នកនាំពាក្យនាយកដ្ឋានប៉ូលិសខេត្ត Kirkuk បាននិយាយថាក្រុមជីហាដ ISIS ចំនួន ២ នាក់ត្រូវបានគេប្រទះឃើញនៅតាមដងផ្លូវរវាងខេត្ត Kirkuk និងទីក្រុង Tikrit ជាកន្លែងដែលពួកគេកំពុងរៀបចំគ្រាប់បែកដើម្បីបំផ្ទុះ។
កងកម្លាំងសន្តិសុខបានសម្លាប់សកម្មប្រយុទ្ធម្នាក់ក្នុងចំណោមពួកគេ និងម្នាក់ទៀតរងរបួសរួចធ្វើការចាប់ខ្លួន។
គួររំលឹកថាមួយថ្ងៃមុននេះកម្លាំងប៉ូលិសអ៊ីរ៉ាក់បានស្លាប់២នាក់ និងរងរបួស៤នាក់ក្នុងកំឡុងពេលនៃការប៉ះទង្គិចគ្នាដ៏សាហាវមួយស្ថិតនៅភាគខាងលិចខេត្ត Kirkuk។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី១៥ ខែវិច្ឆិកា ឆ្នាំ២០២០
