ប៉ូលិសសហព័ន្ធអ៊ីរ៉ាក់កាលពីថ្ងៃអាទិត្យនេះបានធ្វើប្រតិបត្តិការបោសសំអាតនៅភាគខាងត្បូងខេត្ត Kirkuk និងបានរកឃើញ និងបំផ្លាញកន្លែងលាក់ខ្លួនរបស់ពួក IS ចំនួន៥កន្លែង។
នាយកដ្ឋានប៉ូលិសសហព័ន្ធបាននិយាយនៅក្នុងសេចក្តីប្រកាសព័ត៌មានមួយថាប្រតិបត្តិការដែលគាំទ្រដោយយន្តហោះដ្រូនត្រូវបានធ្វើឡើងនៅជុំវិញភ្នំ Dolan ស្រុក Daquq ភាគខាងត្បូងខេត្ត Kirkuk។
កន្លែងលាក់ខ្លួនទាំងនោះ និងរទេះសេះ២ត្រូវបានបំផ្លាញបន្ទាប់ពីបានឆែកឆេរទីធ្លា និងប្រទះឃើញថាគ្មានសព្វាវុធយោធា។
អ្នកប្រែសម្រួល៖ គល់ សេងហាក់
ប្រភពព័ត៌មានពី baghdadpost ចេញផ្សាយថ្ងៃទី១៥ ខែវិច្ឆិកា ឆ្នាំ២០២០
