ប៉ូលិសនៅក្នុងតំបន់និយាយនៅថ្ងៃអាទិត្យថា ខ្មាន់កាំភ្លើងមិនស្គាល់អត្តសញ្ញាណមួយក្រុមបានធ្វើការវាយប្រហារទៅលើសាលារៀននៅរដ្ឋ Kaduna ភាគខាងជើងរបស់ប្រទេសនីហ្សេរីយ៉ាដោយបានចាប់ខ្លួនសាស្ត្រាចារ្យម្នាក់ និងកូនក្មេងចំនួនពីរនាក់។
លោក Mohammed Jalige អ្នកនាំពាក្យប៉ូលិសនៅរដ្ឋ Kaduna ភ្នាក់ងារសារព័ត៌មានតាមទូរស័ព្ទថា ប្រតិបត្តិការប៉ូលិសត្រូវគេពង្រាយដើម្បីការពារតំបន់នោះ មានការតាមដានជនដៃដល់ និងជួយសង្គ្រោះជនរងគ្រោះ។
មន្ត្រីព័ត៌មានប៉ូលិសនិយាយថា ខ្មាន់កាំភ្លើងបានចូលទៅលុកលុយសាលា Nuhu Bamali Polytechnic នៅតំបន់ Zaria នៅយប់ថ្ងៃសៅរ៍ហើយជនរងគ្រោះត្រូវគេចាប់ខ្លួន។ ខ្មាន់កាំភ្លើងបានបាញ់សំដៅទៅលើអាកាសដើម្បីបំភ័យសិស្ស និងគ្រូ ក្រោយពីពួកគេបានបង្ខំគ្រូ និងសិស្សទាំងនោះឲ្យចូលសាលារៀន។ សាស្ត្រាចារ្យដែលបង្រៀននៅសាលាវិស្វកម្មមន្ទីរអគ្គិសនី និងអេឡិចត្រូនិចនៃពហុបច្ចេកទេស ក្រោយមកត្រូវបានគេនាំចេញពីផ្ទះរបស់គាត់ទៅកន្លែងដែលមិនធ្លាប់ស្គាល់។
លោក Shehu បញ្ជាក់បន្ថែមថា ឪពុករបស់ក្មេងដែលគេចាប់យកទៅទាំងពីរនាក់ត្រូវខ្មាន់កាំភ្លើងបាញ់ឲ្យរបួស និងកំពុងសម្រាកព្យាបាលនៅមន្ទីរពេទ្យ។
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៦ ខែវិច្ចិកា ឆ្នាំ២០២០
