នៅថ្ងៃព្រហស្បតិ៍ទី២៦ ខែវិច្ឆិកានេះ ប៉ូលិសនីហ្សេរីយ៉ាបញ្ជាក់ថា មនុស្សចំនួន១៩នាក់ដែលក្រុមប្រដាប់អាវុធបានចាប់ជំរិតនៅក្នុងរដ្ឋធានី Abuja ទទួលបានការជួយសង្គ្រោះមកវិញនៅក្នុងប្រតិបត្តិការបាញ់តបតជាមួយក្មាន់កាំភ្លើង។
អ្នកនាំពាក្យ Mariam Yusuf មានប្រសាសន៍ថា មនុស្សចំនួន០៣នាក់ផ្សេងទៀតត្រូវខ្មាន់កាំភ្លើងមិនស្គាល់អត្តសញ្ញាណចាប់ខ្លួននៅថ្ងៃពុធ។ អ្នកនាំពាក្យប៉ូលិសបានបន្ថែមឲ្យដឹងទៀតថា កិច្ចប្រឹងប្រែងកំពុងបន្តដើម្បីជួយសង្គ្រោះជនរងគ្រោះដែលគេចាប់ខ្លួននៅតាមដងផ្លូវ Kwali ក្នុងទីក្រុង Abuja ។
ការចាប់ជំរិតមនុស្សដើម្បីលោះយកប្រាក់បានក្លាយទៅជារឿងធម្មតានៅក្នុងប្រទេសនីហ្សេរីយ៉ាជាពិសេសនៅភាគខាងជើងទីក្រុង Kaduna លើដងផ្លូវទៅទីក្រុង Abuja។
ជាធម្មតា ជនរងគ្រោះត្រូវគេដោះលែងដោយគ្មានគ្រោះថ្នាក់ក្រោយពីធ្វើការបង់ថ្លៃលោះ។
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី២៦ ខែវិច្ឆិកា ឆ្នាំ២០២០
