នៅថ្ងៃអង្គារ អាជ្ញាធរនៅភាគខាងជើងរដ្ឋ Kaduna ក្នុងប្រទេសនីហ្សេរីយ៉ានិយាយថា ខ្មាន់កាំភ្លើងមិនស្គាល់អត្តសញ្ញាណមួយក្រុមវាយប្រហារលើសហគមន៍ Gbaja ដោយបានសម្លាប់មនុស្សចំនួន០៧នាក់ និងបណ្តាលឲ្យមនុស្សចំនួន០៤នាក់ផ្សេងទៀតរងរបួសក្នុងស្ថានភាពផ្សេងគ្នា។
លោក Samuel Aruwan ស្នងការទទួលបន្ទុកសន្តិសុខផ្ទៃក្នុង និងកិច្ចការក្នុងតំបន់មានប្រសាសន៍ថា ហេតុការណ៍នេះកើតឡើងនៅព្រឹកព្រលឹមថ្ងៃអង្គារ។ លោកបន្ថែមថាកម្លាំងសន្តិសុខបើកការស៊ើបអង្កេតលើឧប្បត្តិហេតុនោះ។
លោកអះអាងថា ខ្មាន់កាំភ្លើងចាប់ខ្លួនមនុស្សចំនួន០៤នាក់នៅក្នុងតំបន់តែមួយ។ យោងតាមប្រភពទិន្នន័យផ្លូវការបានឱ្យដឹងថា នៅចន្លោះថ្ងៃទី១៨ និង២០ ខែធ្នូ យ៉ាងហោចណាស់មនុស្សចំនួន១៤នាក់ស្លាប់ក្រោមដៃរបស់ខ្មាន់កាំភ្លើងនៅក្នុងតំបន់ចំនួន០៣របស់រដ្ឋាភិបាល៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៣ ខែធ្នូ ឆ្នាំ២០២០
