នៅថ្ងៃសៅរ៍ ទី០២ ខែមករា ឆ្នាំ២០២១ មានការវាយប្រហារមួយកើតឡើងនៅភូមិ Tchombangou និង Zaroumdareye ភាគខាងលិចតំបន់ Tillabery ក្នុងប្រទេសនីហ្សេរីយ៉ា ដែលជាតំបន់នៅជាប់ព្រំដែនប្រទេសម៉ាលី។ ការវាយប្រហារនោះសម្លាប់ជនស៊ីវិលចំនួន៧០នាក់ និងបណ្តាលឲ្យជនស៊ីវិលចំនួន២០នាក់ផ្សេងទៀតរងរបួស។
ប្រភពដដែលបន្ថែមថា ក្រុមអ្នកវាយប្រហារដែលមានចំនួនច្រើនម៉ូតូធ្វើការវាយប្រហារសងសឹកក្រោយពីសមាជិកចំនួន០២នាក់របស់ពួកគេត្រូវអ្នកភូមិសម្លាប់នៅពេលដែលពួកគេកំពុងវាយប្រហារក្នុងភូមិនៅព្រឹកថ្ងៃដដែល។
គួររំលឹកផងដែរថា នៅក្នុងរយៈពេលប៉ុន្មានឆ្នាំចុងក្រោយនេះផ្នែកមួយនៃប្រទេសនីហ្សេរីយ៉ាបានរងគ្រោះពីការវាយប្រហារដ៏សាហាវជាច្រើន៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៣ ខែមករា ឆ្នាំ២០២១
