នៅថ្ងៃព្រហស្បតិ៍ ទី១៤ ខែមករា មានការវាយឆ្មក់លើទាហាន និងជនស៊ីវិលនៅក្នុងខេត្ត Lanao del Norte ភាគខាងត្បូងប្រទេសហ្វីលីពីន ដោយបណ្តាលឲ្យទាហានចំនួន៣នាក់ ស្លាប់ និងជនស៊ីវិលចំនួន១នាក់ផ្សេងទៀតរងរបួស។
ប្រភពព័ត៌មានពីយោធាបញ្ជាក់ឲ្យដឹងថា ជនរងគ្រោះស្ថិតនៅលើម៉ូតូពីរគ្រឿងឆ្ពោះទៅកាន់ផ្សារអំឡុងពេលដែលពួកគេរងការវាយប្រហារពីបុរសមិនស្គាល់អត្តសញ្ញាណនៅម៉ោងប្រហែល ៨និង៤៥នាទីព្រឹកម៉ោងនៅជិតព្រំដែនរវាងទីក្រុង Poona Piagapo និង Pantao Ragat ។
ប្រភពបន្ថែមថា ជនរងគ្រោះទាំង៤នាក់បានរត់គេចពីការវាយប្រហារដំបូង ហើយក្រោយមកបានលាក់ខ្លួននៅពីក្រោយឡានដឹកទំនិញ។ ប៉ុន្តែអ្នកវាយប្រហារបានបាញ់រះទៅលើ
រថយន្តទាំងនោះដែលបណ្តាលឲ្យអ្នកបើកបររថយន្តទាំងនោះបើករថយន្តក្នុងល្បឿនលឿន និងទុកឲ្យជនរងគ្រោះទាំង៤នាក់នៅកណ្តាលវាល។
យោធានិយាយថា ការស៊ើបអង្កេតកំពុងដំណើរការដើម្បីកំណត់អត្តសញ្ញាណអ្នកវាយប្រហារ៕
ប្រែសម្រួល៖ ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃ១៤ ខែមករា ឆ្នាំ២០២១
