កម្លាំងរដ្ឋាភិបាលអាហ្វហ្គានីស្ថានគាំទ្រដោយយន្តហោះប្រយុទ្ធវាយប្រហារលើទីជម្រករបស់សមាជិកតាលីបង់ក្នុងស្រុក Qaisar នៃខេត្ត Faryab ភាគខាងជើងប្រទេសអាហ្វហ្គានីស្ថាន។ ប្រតិបត្តិការនោះសម្លាប់សមាជិកតាលីបង់ចំនួន៦នាក់ ដោយក្នុងចំណោមអ្នកស្លាប់នោះមានមួយនាក់ជាមេបញ្ជាការតាលីបង់។
យោងតាមសេចក្តីថ្លែងការណ៍បញ្ជាក់ឲ្យដឹងថា កម្លាំងរដ្ឋាភិបាលអាហ្វហ្គានីស្ថានធ្វើប្រតិបត្តិការបង្ក្រាបនៅថ្ងៃអង្គារ ទី០៩ ខែកុម្ភៈ សម្លាប់សមាជិកក្រុមបះបោរចំនួន៦នាក់ និងបណ្តាលឲ្យសមាជិកតាលីបង់ចំនួន១១នាក់ផ្សេងទៀតរងរបួស។
លោក Mullah Nasir Faryabi ជាមេបញ្ជាការសំខាន់របស់ក្រុមតាលីបង់នៅក្នុងខេត្តក៏ស្ថិតនៅក្នុងចំណោមអ្នកស្លាប់ទាំង ៦នាក់នោះ។
យោងតាមការលើកឡើងក្នុងសេចក្ដីថ្លែងការណ៍បញ្ជាក់ឲ្យដឹងថា លោក Mullah Nasir Faryabi ធ្លាប់បម្រើការជាប្រធានមណ្ឌលឃុំឃាំងតាលីបង់នៅក្នុងខេត្តាខេត្ត Faryab។
ប្រតិបត្តិការមួយនេះបានកម្ចាត់បុគ្គលដែលជាឧបសគ្គដ៏ធំមួយក្នុងក្រុមប្រដាប់អាវុធនៅតំបន់ភាគខាងជើង៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៩ ខែកុម្ភៈ ឆ្នាំ២០២១
