ខ្មាន់កាំភ្លើងមិនស្គាល់អត្តសញ្ញាណបាញ់សម្លាប់មនុស្សចំនួន៣នាក់នៅជាយក្រុងអ៊ីស្លាមបាដ(Islamabad)ក្នុងប្រទេសប៉ាគីស្ថាននៅយប់ថ្ងៃសៅរ៍ ទី២៧ ខែកម្ភៈ។
អ្នកនាំពាក្យប៉ូលិសនិយាយថា ឧប្បត្តិហេតុនោះកើតឡើងនៅក្នុងតំបន់ BharaKahu ដោយអ្នកស្លាប់រួមមានមេដឹកនាំអធិស្ឋាននៅវិហារអ៊ីស្លាមចំនួន១រូប និងកូនប្រុសអាយុ ១៣ឆ្នាំរបស់គាត់ចំនួន១នាក់ និងសិស្សសាសនាចំនួន១នាក់។
ខ្មាន់កាំភ្លើងបាញ់ទៅលើជនរងគ្រោះនៅក្បែរវិហារហើយក្រោយមកបានរត់គេចខ្លួនបាត់។
ពុំទាន់នរណាម្នាក់អះអាងទទួលខុសត្រូវចំពោះការវាយប្រហារនេះនៅឡើយទេ ហើយប៉ូលិសបន្ថែមថាគណៈកម្មាធិការចំនួនពីរធ្វើប្រតិបត្តិការស៊ើបអង្កេតគ្រប់ដំណាក់កាល៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៨ ខែធ្នូ ឆ្នាំ២០២១
