អ្នកនាំពាក្យអង្គការសហប្រជាជាតិមានប្រសាសន៍នៅថ្ងៃចន្ទថា អគ្គលេខាធិការអង្គការសហប្រជាជាតិលោក Antonio Guterres ថ្កោលទោសចំពោះការវាយប្រហារចំនួនពីរដោយមួយនោះប្រទេសអារ៉ាប៊ីសាអ៊ូឌីតវាយប្រហារទៅក្នុងប្រទេសយេម៉ែន ហើយមួយទៀតក្រុមឧទ្ទាម Houthiវាយប្រហារលើប្រទេសអារ៉ាប៊ីសាអ៊ូឌីត។
លោក Stephane Dujarric ដែលជាប្រធានរបស់លោក Guterres មានប្រសាសន៍ថា “វាពិតណាស់។ សកម្មភាពបែបនេះនឹងធ្វើឱ្យអន្តរាយដល់កិច្ចខិតខំប្រឹងប្រែងសម្របសម្រួល របស់អ្នកតំណាងពិសេសលោក Martin Griffiths ខណៈដែលលោកនឹងបន្តធ្វើការជាមួយគ្រប់ភាគីទាំងអស់ដើម្បីជម្រុញដល់ដំណើរការនយោបាយឲ្យទទួលបានដំណោះបញ្ចប់ជម្លោះនានា”
លោកមានប្រសាសន៍នៅក្នុងសន្និសីទកាសែតថា“យើងជម្រុញឱ្យគ្រប់ភាគីទាំងអស់គោរពតាមកាតព្វកិច្ចរបស់ពួកគេក្រោមច្បាប់មនុស្សធម៌អន្តរជាតិ។
អ្នកនាំពាក្យរូបនេះក៏បញ្ជាក់ផងដែរ ការថ្កោលទោសនោះគឺសម្រាប់ការវាយប្រហារដោយប្រើយន្តហោះគ្មានមនុស្សបើក និងមីស៊ីលផ្លោងជាច្រើននៅថ្ងៃអាទិត្យប្រឆាំងនឹងទីតាំង
ផ្សេងៗទាំងក្នុងប្រទេសអារ៉ាប់ប៊ីសាអូឌីត ដែលធ្វើឡើងដោយក្រុមសកម្មប្រយុទ្ធHouthis។ សកម្មប្រយុទ្ធទាំងនោះក៏បានហៅខ្លួនឯងថាជា Ansar Allah។ លោកបន្តថា លោកក៏មានការព្រួយបារម្ភផងដែរអំពីការវាយប្រហារតាមអាកាសដែលដឹកនាំដោយអារ៉ាប៊ីសាអូឌីតនៅថ្ងៃអាទិត្យលើទីក្រុង Sana’a និង Hodeidah ដែលនេះហាក់ដូចជាការឆ្លើយតបទៅនឹងការវាយប្រហាររបស់សកម្មប្រយុទ្ធទាំងនោះ៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី០៩ ខែមីនា ឆ្នាំ២០២១
