ប៉ូលិសបាននិយាយនៅថ្ងៃសុក្រនេះថា មន្ត្រីប៉ូលិសមីយ៉ាន់ម៉ា និងក្រុមគ្រួសារជាច្រើននាក់របស់ពួកគេបានភៀសខ្លួនទៅកាន់ប្រទេសឥណ្ឌា ហើយមន្ត្រីសន្តិសុខម្នាក់បាននិយាយប្រាប់ AFP ថាអាជ្ញាធរនៅក្នុងប្រទេសមីយ៉ាន់ម៉ាកំពុងតែវាយដំ និងធ្វើទារុណកម្មអ្នកតវ៉ា។
អាជ្ញាធរយោធារបស់ប្រទេសមីយ៉ាន់ម៉ាកំពុងបង្ក្រាបជាមួយនឹងការកើនឡើងនៃការតវ៉ាប្រចាំថ្ងៃប្រឆាំងនឹងរដ្ឋប្រហារថ្ងៃទី ១ ខែកុម្ភៈរបស់ពួកគេដោយមានមនុស្សយ៉ាងតិច ៧០ នាក់ត្រូវបានសម្លាប់ នេះបើយោងតាមអ្នកជំនាញជាន់ខ្ពស់របស់អង្គការសហប្រជាជាតិប្រចាំនៅប្រទេសនេះ។
ចាប់តាំងពីពេលនោះមក ចំនួនប្រជាជនកាន់តែច្រើនឡើងៗដែលភាគច្រើននៃប៉ូលិសបានបដិសេធមិនចូលរួមក្នុងការបង្ក្រាបនេះ និងបានឆ្លងកាត់ព្រំដែនចូលទៅក្នុងរដ្ឋមីហ្សូរ៉ាម (Mizoram ) ភាគឥសាននៃប្រទេសឥណ្ឌា។ មន្ត្រីសន្តិសុខបាននិយាយថាគិតមកដល់ថ្ងៃសុក្រមនុស្សសរុបចំនួន ២៦៤ នាក់បានមកកាន់ប្រទេសឥណ្ឌាដែលក្នុងនោះរួមមានមន្ត្រីប៉ូលិស និងសមាជិកគ្រួសារ ១៩៨ នាក់៕
សម្រួល៖ សុផា
