ហេតុការណ៍ផ្ទុះគ្រាប់បែកចំនួនពីរកើតឡើងនៅទីតាំងផ្សេងគ្នាក្នុងទីក្រុងកាបុលនៃប្រទេសអាហ្វហ្គានីស្ថាន ដោយបានបណ្តាលឲ្យមនុស្សចំនួន៣នាក់ស្លាប់ និងចំនួន១២នាក់ផ្សេងទៀតរងរបួស។
អ្នកនាំពាក្យប៉ូលិសក្រុងកាប៊ុលលោក Ferdaus Faramarz ប្រាប់ភ្នាក់ងារសារព័ត៌មានថាការផ្ទុះមួយកើតឡើងនៅពេលដែលគ្រាប់បែកច្នៃវាយប្រហារលើរថយន្តតូចមួយនៅក្នុងតំបន់ Police District (PD) 3 និងការផ្ទុះមួយផ្សេងទៀតកើតឡើងនៅតំបន់ PD PD ភាគខាងលិចនៃទីក្រុង។
ចំនួនអ្នកស្លាប់ទំនងជាកើនឡើងដោយសារតែអ្នករងរបួសខ្លះស្ថិតក្នុងស្ថានភាពធ្ងន់ធ្ងរ។
រហូតមកដល់ពេលនេះពុំទាន់មានក្រុមណាមួយចេញមុខទទួលខុសត្រូវចំពោះការវាយប្រហារនេះទេ៕
ប្រែសម្រួល៖ ប៉ោក លក្ខិណា
ប្រភពព័ត៌មាន Xinhua| ចុះផ្សាយថ្ងៃទី១៥ ខែមីនា ឆ្នាំ២០២១
