អង់គ្លេសចង់ពង្រីកឥទ្ធិពលរបស់ខ្លួនក្នុងចំណោមប្រជាជាតិប្រជាធិបតេយ្យនៅក្នុងតំបន់ឥណ្ឌូ-ប៉ាស៊ីហ្វិក ខណៈពេលដែលរក្សាបាននូវចំណងទាក់ទងរឹងមាំជាមួយសហរដ្ឋអាមេរិក។ ឯកសារស្តីពីអាទិភាពគោលនយោបាយការបរទេសក្រោយ Brexit របស់ប្រទេសនេះនឹងចេញផ្សាយនៅថ្ងៃអង្គារទី ១៦ ខែមីនានេះ។
ការពិនិត្យឡើងវិញធំបំផុតនៃគោលនយោបាយការបរទេស និងការពារជាតិរបស់អង់គ្លេសចាប់តាំងពីចប់សង្គ្រាមត្រជាក់កាលពីបីទស្សវត្សមុននឹងបង្ហាញពីរបៀបដែលលោកនាយករដ្ឋមន្ត្រី Boris Johnson ចង់ឈរនៅជួរមុខនៃការធ្វើឱ្យប្រសើរឡើងវិញនូវបទបញ្ជាអន្តរជាតិដែលផ្អែកលើច្បាប់អន្តរជាតិ ស្តីពីកិច្ចសហប្រតិបត្តិការនិងពាណិជ្ជកម្មសេរី។ រដ្ឋាភិបាលបានគូសបញ្ជាក់ពីការដាក់ពង្រាយនាវាដឹកយន្តហោះអង់គ្លេសទៅកាន់តំបន់នេះហើយបានប្រកាសថាដំណើរទស្សនកិច្ចដែលបានពន្យារពេលទៅឥណ្ឌានឹងបន្តនៅខែមេសានេះ។
ចាប់តាំងពីបញ្ចប់ការចាកចេញរបស់ខ្លួនពីសហភាពអឺរ៉ុបនៅចុងឆ្នាំមុននេះ លោកJohnsonបានប្តេជ្ញាក្នុង“ ការធ្វើសមាហរណកម្មពិនិត្យឡើងវិញ” ហើយចក្រភពអង់គ្លេសនៅតែមានការចាប់អារម្មណ៍លើឆាកពិភពលោក៕
ចនសុននឹងនិយាយនៅក្នុងសេចក្តីថ្លែងការណ៍ទៅកាន់សភាថា “ខ្ញុំមានសុទិដ្ឋិនិយមយ៉ាងខ្លាំងចំពោះកន្លែងចក្រភពអង់គ្លេសនៅលើពិភពលោកនិងសមត្ថភាពរបស់យើងក្នុងការចាប់យកឱកាសនាពេលខាងមុខ” ។
សម្រួល៖ សុផា
