ប្រទេសរូម៉ានីបានប្រកាសនៅថ្ងៃពុធថា នឹងរៀបចំសមយុទ្ធ “Sea Shield 21”នៅចន្លោះថ្ងៃទី១៩ដល់ថ្ងៃទី២៩ ខែមីនា នៅសមុទ្រខ្មៅ។ នោះជាសមយុទ្ធកងទ័ពជើងទឹកចម្រុះធំបំផុត និងស្មុគស្មាញបំផុតរបស់អង្គការណាតូ(អង្គការសន្ធិសញ្ញាអាត្លង់ទិកខាងជើង)។ សមយុទ្ធនោះរៀបចំដោយកងទ័ពជើងទឹករបស់ប្រទេសរូម៉ានី។
អគ្គសេនាធិការនៃកងនាវាចរបញ្ជាក់នៅក្នុងសេចក្តីប្រកាសព័ត៌មានថា កងទ័ពចំនួនច្រើនជាង២៤០០នាក់ នាវាចម្បាំងចំនួន១៨គ្រឿង និងយន្ដហោះចំនួន១០គ្រឿងមកពីរដ្ឋចំនួន៨នឹងចូលរួមនៅក្នុងសមយុទ្ធដែលមានរយៈពេល១០ថ្ងៃ។
ប្រទេសដែលចូលរួមរួមមានប្រទេសប៉ារ៉ាហ្កាយ ប្រទេសក្រិក ប្រទេសហូឡង់ ប្រទេសប៉ូឡូញ ប្រទេសរ៉ូម៉ានី ប្រទេសអេស្ប៉ាញ ប្រទេសតួកគី និងសហរដ្ឋអាមេរិកស្របពេលដែលបញ្ជាការដ្ឋានដែនសមុទ្ររបស់សម្ព័ន្ធមិត្តណាតូចូលរួមជាមួយក្រុមកងទ័ពជើងទឹកអចិន្ត្រៃយ៍របស់ខ្លួន SNMG-2 ។ SNMG-2 ជាកម្លាំងប្រតិកម្មតាមសមុទ្រឈរជើងជាមួយនឹងនាវាចំនួន៧ រួមទាំងនាវាចម្បាំង“Queen Mary” នៃប្រទេសរូម៉ានី។
គោលបំណងសំខាន់នៃសមយុទ្ធពហុជាតិគឺដើម្បីផ្ទៀងផ្ទាត់និងពង្រឹងកម្រិតនៃអន្តរប្រតិបត្តិការ និងកិច្ចសហប្រតិបត្តិការរវាងកងកម្លាំងយោធាប្រទេសរ៉ូម៉ានី និងកងកម្លាំងរបស់ប្រទេសណាតូផ្សេងទៀត។
គួររំលឹកផងដែរថា ការធ្វើសមាហរណកម្មពហុភាគី“Sea Shield” លើកដំបូងបានធ្វើឡើងនៅឆ្នាំ២០១៥ហើយសេណារីយ៉ូនៃសមយុទត្រូវបានបសម្រួលនៅឆ្នាំបន្តបន្ទាប់ដើម្បីពង្រឹងវិធានការសន្តិសុខនៅភាគអាគ្នេយ៍នៃប្រទេសអឺរ៉ុប៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី២៣ ខែមីនា ឆ្នាំ២០២១
