មេដឹកនាំស៊ីវិលដែលត្រូវបានបណ្តេញចេញពីតំណែងនៅក្នុងប្រទេសមីយ៉ាន់ម៉ា លោកស្រីអ៊ុងសានស៊ូជីប្រឈមនឹងការចោទប្រកាន់ពីបទពុករលួយថ្មីពីរបបយោធាដែលមេធាវីរបស់លោកស្រីបាននិយាយកាលពីថ្ងៃព្រហស្បតិ៍ (១៨ មីនា) ថាវាគ្មានមូលដ្ឋាននោះទេ។ លោកស្រីក៏ប្រហែលជាមិនអាចវិលត្រឡប់ទៅរកនយោបាយវិញបានទេ។
រដ្ឋប្រហារនៅថ្ងៃទី ១ ខែកុម្ភៈដែលបានបណ្តេញរដ្ឋាភិបាលលោកស្រីអ៊ុងសានស៊ូជីបានធ្វើឱ្យមនុស្សរាប់ពាន់នាក់នៅតាមដងផ្លូវប្រឈមមុខនឹងពួកឧត្តមសេនីយ៍ជាចហរលបដែលបានឆ្លើយតបជាមួយនឹងការបង្ក្រាបដ៏ឃោរឃៅដែលបានបណ្តាលឲ្យមនុស្សយ៉ាងតិច ២០០ នាក់ស្លាប់។
កាលពីយប់ថ្ងៃពុធ អ្នកផ្សាយព័ត៌មានយោធា Myawady បានចាក់ផ្សាយវីដេអូរបស់អ្នកជំនួញមីយ៉ាន់ម៉ាម្នាក់ដែលសារភាពថាបានផ្តល់ទឹកប្រាក់សរុបចំនួន ៥៥ ម៉ឺនដុល្លារអាមេរិកដល់លោកស្រីអ៊ុងសានស៊ូជីក្នុងរយៈពេលជាច្រើនឆ្នាំ។ លោក Maung Weik បាននិយាយថាគាត់បានបរិច្ចាគប្រាក់ដល់ឥស្សរជនជាន់ខ្ពស់របស់រដ្ឋាភិបាលដើម្បីអោយអាជីវកម្មរបស់គាត់ដំណើរការរលូន៕
សម្រួល៖ សុផា
