សហរដ្ឋអាមេរិក សហភាពអឺរ៉ុប អង់គ្លេស និងកាណាដាបានដាក់ទណ្ឌកម្មលើមន្ត្រីចិនកាលពីថ្ងៃច័ន្ទ (២១ មីនា) ពីបទរំលោភសិទ្ធិមនុស្សនៅទីក្រុងស៊ីនជាំងដែលជាសកម្មភាពសម្របសម្រួលដំបូងរបស់លោកខាងលិចប្រឆាំងនឹងទីក្រុងប៉េកាំងក្រោមការដឹកនាំរបស់ប្រធានាធិបតីថ្មីរបស់អាមេរិកគឺលោក Joe Biden ។
ទីក្រុងប៉េកាំងបានតបតវិញភ្លាមៗជាមួយនឹងវិធានការណ៍ដាក់ទណ្ឌកម្មប្រឆាំងនឹងសហគមន៍អ៊ឺរ៉ុបដែលមានលក្ខណៈទូលំទូលាយរួមមានសមាជិកសភាអឺរ៉ុប អ្នកការទូត វិទ្យាស្ថាន និងក្រុមគ្រួសារជាច្រើន និងហាមឃាត់អាជីវកម្មរបស់ពួកគេពីការធ្វើពាណិជ្ជកម្មជាមួយប្រទេសចិនថែមទៀត។
រដ្ឋាភិបាលលោកខាងលិចកំពុងព្យាយាមធ្វើឱ្យក្រុងប៉េកាំងទទួលខុសត្រូវចំពោះការឃុំខ្លួនយ៉ាងច្រើនរបស់ជនជាតិមូស្លីមអ៊ុយហ្គួរ(Muslim Uighurs) នៅភាគពាយព្យប្រទេសចិនដែលសហរដ្ឋអាមេរិកនិយាយថា ប្រទេសចិនកំពុងប្រព្រឹត្តអំពើប្រល័យពូជសាសន៍។ ចិនបដិសេធរាល់ការចោទប្រកាន់ពីការរំលោភបំពាននេះ៕
សម្រួល៖ សុផា
