មនុស្សពីរនាក់បានរងរបួសបន្ទាប់ពីឧទ្ធម្ភាគចក្រមួយគ្រឿងបានធ្លាក់នៅអាកាសយានដ្ឋាន Subang នៅព្រឹកថ្ងៃពុធ (២៤ មីនា) នេះ។ អាជ្ញាធរអាកាសចរណ៍ស៊ីវិលម៉ាឡេស៊ីបានបញ្ជាក់ថា ឧទ្ធម្ភាគចក្រ Airbus AS350 B3 បានធ្លាក់នៅម៉ោង ៩ និង ២៥ នាទីព្រឹក។
ក្រសួងដឹកជញ្ជូនបាននិយាយថា វាមានមនុស្ស ៥ នាក់នៅលើយន្តហោះរួមទាំងអ្នកបើកយន្តហោះម្នាក់ និងអ្នកដំណើរ ៤ នាក់។ ក្រសួងបាននិយាយថាមនុស្សពីរនាក់ត្រូវបានគេរាយការណ៍ថារងរបួសហើយ (បច្ចុប្បន្ន) កំពុងទទួលជំនួយផ្នែកវេជ្ជសាស្ត្រ ខណៈដែលមនុស្ស ៣ នាក់ផ្សេងទៀតកំពុងស្ថិតក្នុងស្ថានភាពផុតពីគ្រោះថ្នាក់។
លោក Nik Ezanee Mohd Faisal ប្រធានប៉ូលិស Petaling Jaya បាននិយាយថាជនរងគ្រោះទាំងអស់ត្រូវបានបញ្ជូនទៅកាន់មន្ទីរពេទ្យដើម្បីធ្វើការព្យាបាលបន្ត។ ប្រធាននាយកដ្ឋានពន្លត់អគ្គីភ័យ និងជួយសង្គ្រោះនៅក្នុងតំបន់ Selangor លោក Norazam Khamis បាននិយាយថានាយកដ្ឋានបានទទួលការហៅបន្ទាន់នៅម៉ោង ៩ និង ៤៧ ព្រឹកនេះ។ លោកមានប្រសាសន៍ថា“ ឧទ្ធម្ភាគចក្រមិនបានឆាបឆេះនោះទេ។ មនុស្សម្នាក់បានរងរបួសបាក់ជើងនិងក្បាល” ក្រសួងដឹកជញ្ជូនបាននិយាយថាឧទ្ធម្ភាគចក្រនេះត្រូវបានដំណើរការដោយក្រុមហ៊ុន Leopad Aviation ៕
សម្រួល៖ សុផា
