គណៈកម្មាធិការកំពូលប្រយុទ្ធប្រឆាំងនឹងកូរ៉ូណានៅក្នុងតំបន់ឃឺដបានជួបប្រជុំគ្នានៅថ្ងៃនេះហើយបានចេញសេចក្តីសម្រេចចិត្តថ្មីៗអំពីសាលារៀន សាកលវិទ្យាល័យ និងវិទ្យាស្ថាន។
គណៈកម្មាធិការជាន់ខ្ពស់ប្រយុទ្ធប្រឆាំងនឹងកូរ៉ូណានៅក្នុងតំបន់ឃឺដបានធ្វើកិច្ចប្រជុំមួយនៅថ្ងៃអង្គារទី៣០ ខែមីនាឆ្នាំ ២០២១ បន្ទាប់ពីកិច្ចប្រជុំនេះរដ្ឋមន្ត្រីសុខាភិបាលតំបន់ឃឺដនៅក្នុងសន្និសីទសារព័ត៌មានមួយបានប្រកាសបន្តការផ្អាកសាលារៀនរហូតដល់ថ្ងៃទី១០ ខែមេសា។
រដ្ឋមន្ត្រីបានបន្ថែមថារៀងរាល់ថ្ងៃព្រហស្បតិ៍គឺជាថ្ងៃឈប់សម្រាកនៅក្នុងស្ថាប័នរដ្ឋាភិបាលទាំងអស់។
នៅថ្ងៃព្រហស្បតិ៍ ថ្ងៃសុក្រ និងថ្ងៃសៅរ៍ពលរដ្ឋដែលនៅសល់តាមបណ្តាខេត្តនៃប្រទេសអ៊ីរ៉ាក់មិនត្រូវបានអនុញ្ញាតឱ្យចូលតំបន់ឃឺដឡើយ។
ភោជនីយដ្ឋាន អាហារដ្ឋាន និងសាលកីឡានឹងត្រូវបិទចាប់ពីចាប់ពីម៉ោង៩យប់រហូតដល់ម៉ោង៦ព្រឹក ហើយរាល់ការជួបជុំ និងពិធីបុណ្យសពត្រូវបានហាមឃាត់។
អ្នកប្រែសម្រួល៖ គល់ សេងហាក់
ប្រភពព័ត៌មានពី kurdiu ចេញផ្សាយថ្ងៃទី៣០ ខែមីនា ឆ្នាំ២០២១
