មន្ត្រីអេត្យូពីម្នាក់និយាយនៅថ្ងៃពុធ ទី៣១ ខែមីនា ម្សិលមិញថា ការវាយប្រហារដោយអាវុធនៅរដ្ឋភាគកណ្តាលនៃប្រទេសអេត្យូពីបណ្តាលឱ្យជនស៊ីវិលយ៉ាងហោចណាស់ចំនួន២៨ នាក់ស្លាប់។
ប្រភពស្នងការប៉ូលិស Oromia លោក Ararsa Merdasa ប្រាប់ប្រព័ន្ធផ្សព្វផ្សាយនៅក្នុងស្រុកថា សោកនាដកម្មនេះកើតឡើងដោយគេសង្ស័យលើក្រុមឧទ្ទាមរបស់កងទ័ពរំដោះប្រជាជនភាគតិច Oromo (OLA) ដែលបានបើកការបាញ់ប្រហារទៅលើជនស៊ីវិលនៅល្ងាចថ្ងៃអង្គារ ទី៣០ ខែមីនា នៅក្នុងតំបន់ Boni។
លោក Merdasa មានប្រសាសន៍ថា ការវាយប្រហារបណ្តាលឲ្យជនស៊ីវិលចំនួន១២នាក់ផ្សេងទៀតរងរបួស។ លោកបញ្ជាក់បន្ថែមឲ្យដឹងថា ការប្រឆាំងគ្នាដោយប្រើប្រាស់កងកម្លាំងសន្តិសុខក្នុងហេតុការណ៍សម្លាប់នេះបណ្តាលឱ្យមានការសង្ស័យលើសមាជិករបស់ក្រុមឧទ្ទាម OLA ចំនួន៣នាក់។
គួរបញ្ជាក់ផងដែរថា OLA គឺជាក្រុមបំបែកខ្លួនរបស់អតីតក្រុមឧទ្ទាមរណសិរ្សរំដោះ Oromo Liberation Front (OLF) ។ OLF គឺជាគណបក្សនយោបាយប្រឆាំងមួយដែលអះអាងថា នឹងប្រយុទ្ធដើម្បីសិទ្ធិរបស់ជនជាតិភាគតិចអូម៉ូស(Oromos)ដែលមានចំនួនប្រជាជនប្រហែលជា ៣៥ភាគរយនៃប្រជាជនអេត្យូសរុបដែលមានចំនួនច្រើនជាង១០០លាននាក់។
គួរំលឹកផងដែរថា សភាអេត្យួពីចាត់ទុកក្រុម OLA ជាក្រុមភេរវករនៅឆ្នាំ២០១។ ក្រោយមកគេដកក្រុម OLF ចេញពីបញ្ជីភេរវករនៅខែកក្កដា ឆ្នាំ២០១៨ដើម្បីសម្រួលដល់ការចរចា និងជម្រុញដល់ការផ្សះផ្សា៕
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃ០១ ខែមេសា ឆ្នាំ២០២១
