សេចក្តីថ្លែងការណ៍មួយរបស់កងកម្លាំងទ័ពលើកឡើងនៅថ្ងៃអាទិត្យថា កងកម្លាំងសន្តិសុខប៉ាគីស្ថានសម្លាប់ភេរវករ Tehrik-e-Taliban Pakistan (TTP) នៅថ្ងៃសៅរ៍ ទី០៣ ខែមេសាក្នុងអំឡុងពេលមានការប្រយុទ្ធគ្នាក្នុងខេត្ត Khyber Pakhtunkhwa នៅភាគពាយព្យរបស់ប្រទេសប៉ាគីស្ថាន។
សេចក្តីថ្លែងការណ៍បញ្ជាក់ថា កម្លាំងសន្តិសុខធ្វើប្រតិបត្តិការបង្ក្រាបមួយនៅក្នុងតំបន់ Dewagar នៃភាគខាងជើងសង្កាត់ Waziristan លើវត្តមានរបស់ក្រុមភេរវករ។ ប្រព័ន្ធផ្សព្វផ្សាយសាធារណៈនៃសេវាកម្មយោធាបន្ថែមឲ្យដឹងថា នៅក្នុងអំឡុងពេលនៃបាញ់តបតគ្នាកងកម្លាំងទ័ពបានបាញ់សម្លាប់សមាជិកភេរវករ TTPចំនួន១នាក់។ សមាជិកភេរវករ
ដែលស្លាប់រូបនោះធ្លាប់បានចូលរួមយ៉ាងសកម្មក្នុងសកម្មភាពសម្លាប់លើគោលដៅជាច្រើន ធ្លាប់ចូលរួមក្នុងសកម្មភាពភាពភេរវករ ប្រឆាំងជាមួយកងកម្លាំងសន្តិសុខ ធ្វើការជំរិតទារប្រាក់ និងបង្កប់គ្រឿងផ្ទុះជាដើម។
គួរបញ្ជាក់ផងដែរថា កងកម្លាំងប៉ាគីស្ថានធ្វើប្រតិបត្តិការយោធាជាបន្តបន្ទាប់ដើម្បីប្រឆាំងជាមួយនឹងក្រុមភេរវករនៅភាគខាងជើងសង្កាត់ Waziristan ដោយទីនោះស្ថិតនៅជាប់ព្រំដែនប្រទេសអាហ្វហ្គានីស្ថាន។ បើទោះបីជាតំបន់នោះ មានសកម្មភាពបង្ក្រាបជាច្រើនយ៉ាងណាក៏ដោយ សមាជិកភេរវករដែលនៅសេសសល់នៅតែបន្តធ្វើការវាយប្រហារទៅលើកម្លាំងសន្តិសុខជាបណ្តើរ៕
ប្រែសម្រួល៖ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី០៤ ខែមេសា ឆ្នាំ២០២១
