មនុស្សរាប់សិបនាក់ត្រូវសម្លាប់ក្នុងអំឡុងពេលនៃការប៉ះទង្គិចគ្នាជាច្រើនថ្ងៃ នៅតាមព្រំដែនរវាង Afar របស់ប្រទេសអេត្យូពី និងតំបន់សូម៉ាលី។
ផ្ទះជាច្រើនត្រូវបានដុតបំផ្លាញ នៅតាមភូមិនានា នៃដែនដីដែលមានជម្លោះ។
រដ្ឋក្នុងតំបន់នីមួយៗ ក្នុងប្រទេសអេត្យូពីមានកម្លាំងប៉ូលិស និងក្រុមមន្ត្រី នៅតំបន់ Afar បានចោទប្រកាន់កងកម្លាំងពិសេសសូម៉ាលីសម្លាប់មនុស្ស ៣០នាក់កាលពីថ្ងៃសៅរ៍។
អាជ្ញាធរក្នុងតំបន់សូម៉ាលីនិយាយថា យ៉ាងហោចណាស់កសិករចិញ្ចឹមសត្វ ២៥នាក់ត្រូវបានសម្លាប់ដោយខ្មាន់កាំភ្លើងដែលមកពីព្រំដែន នៅតំបន់ Afar ។
គេនៅមិនទាន់ដឹងថាមានមនុស្សប៉ុន្មាននាក់បានស្លាប់នៅក្នុងការវាយប្រហារសងសឹកចុងក្រោយដែលបានកើតឡើងនៅព្រឹកថ្ងៃអង្គារនេះទេ។
អ្នកឆ្លើយឆ្លងព័ត៌មាននិយាយថា ការបោះឆ្នោតដែលគ្រោងធ្វើឡើងនៅខែមិថុនា បាននាំឱ្យមានភាពតានតឹងកើនឡើងនៅតំបន់ព្រំដែនដែលមានជម្លោះ៕
ប្រែសម្រួល៖ ឱក សុវណ្ណារ័ត្ន
ប្រភពព័ត៌មាន BBC ចុះផ្សាយថ្ងៃទី៧ ខែមេសា ឆ្នាំ២០២១
