ប៉ូលិសកំពុងតែស្វែងរកខ្មាន់កាំភ្លើងដែលសម្លាប់មនុស្សចំនួន០៣នាក់នៅរសៀលថ្ងៃអាទិត្យក្នុងទីក្រុង Austin នៃរដ្ឋធានីTexas សហរដ្ឋអាមេរិក។
នៅពេលធ្វើសន្និសីទកាសែតនៅរសៀលថ្ងៃអាទិត្យមន្ត្រីប៉ូលិសប្រកាសថា គេកំណត់អត្តសញ្ញាណលោក Stephen Nicholas Broderick អាយុ ៤១ឆ្នាំជាជនសង្ស័យបាញ់សម្លាប់។ លោក Broderick ប្រហែលជាស្គាល់ជនរងគ្រោះ ប៉ុន្តែគេពុំទាន់ដឹងច្បាស់ពីទំនាក់ទំនងរបស់ពួកគេនៅឡើយទេ។
យោងតាមប្រភពប៉ូលិស Austin បញ្ជាក់ឲ្យដឹងថា ទីតាំងកើតហេតុនៅតែមានសភាពអ៊ូអរដដែល ហើយក្រោយមកក៏មានការណែរនាំឱ្យពលរដ្ឋចូលទៅកាន់កន្លែងស្នាក់នៅរបស់ពួកគេ និងរាយការណ៍ពីសកម្មភាពគួរឱ្យសង្ស័យ។
ប៉ូលិស Austin សរសេរផុសលើបណ្តាញអ៊ីនធឺរណិតថា៖“ខណៈពេលដែលជនសង្ស័យនៅតែពុំទាន់ដឹងច្បាស់ស្ថានភាពក្នុងស្រុកមានសភាពធម្មតា និងពុំមានហានិភ័យអ្វីដល់សាធារណជនទូទៅទេ” ។
ប៉ូលិសនិយាយថា ការបាញ់ប្រហារនោះកើតឡើងនៅឯអាគារផ្ទះល្វែងមួយនៅភាគពាយព្យនៃទីក្រុងAustin។ សេវាកម្មវេជ្ជសាស្ត្រសង្គ្រោះបន្ទាន់ Travis County Emergency Medical Service ប្រកាសពីការស្លាប់របស់ជនរងគ្រោះនៅសៀលថ្ងៃអាទិត្យ៕
ប្រែសម្រួល៖ប៉ោក លក្ខិណា
ប្រភពព័ត៌មាន Xinhua ចុះផ្សាយថ្ងៃទី១៩ ខែមេសា ឆ្នាំ២០២១
