ទីក្រុងប៉េកាំងនិយាយនៅថ្ងៃពុធទី ២១ ខែមេសានេះថា ប្រធានាធិបតីចិនលោក Xi Jinping នឹងចូលរួមក្នុងកិច្ចប្រជុំកំពូលអាកាសធាតុតាមអនឡាញរបស់ប្រធានាធិបតីអាមេរិកលោក Joe Bidenនៅសប្តាហ៍នេះ ទោះបីមានភាពតានតឹងផ្នែកនយោបាយក៏ដោយ។
លោក Biden បានអញ្ជើញមេដឹកនាំពិភពលោកចំនួន ៤០ នាក់រួមមានលោក Xi និងលោក Vladimir Putinរបស់រុស្ស៊ីចូលរួមកិច្ចប្រជុំដែលចាប់ផ្តើមនៅថ្ងៃទិវាផែនដី (Earth Day) ដែលមានន័យថានេះជាការវិលត្រឡប់របស់ទីក្រុងវ៉ាស៊ីនតោនឆ្ពោះទៅជួរមុខនៃការប្រយុទ្ធប្រឆាំងនឹងការប្រែប្រួលអាកាសធាតុ បន្ទាប់ពីអតីតប្រធានាធិបតី Donald Trump បានផ្តាច់ខ្លួនចេញពីដំណើរការនេះ។
កិច្ចប្រជុំកំពូលនិម្មិតនេះនឹងជាកិច្ចប្រជុំលើកដំបូងរវាងមេដឹកនាំទាំងពីរចាប់តាំងពីលោក Bidenបានក្លាយជាប្រធានាធិបតី។ រដ្ឋមន្ត្រីការបរទេសចិនបាននិយាយថាលោក Xi នឹងថ្លែងសុន្ទរកថាដ៏សំខាន់មួយនៅក្នុងកិច្ចប្រជុំនេះបន្ទាប់ពីប៉ុន្មានថ្ងៃបន្ទាប់ពីដំណើរទស្សនកិច្ចទៅកាន់ទីក្រុងសៀងហៃដោយប្រេសិតផ្នែកអាកាសធាតុអាមេរិកលោក John Kerry ដែលជាមន្ត្រីទីមួយមកពីរដ្ឋបាលរបស់ Biden មកធ្វើទស្សនកិច្ចនៅប្រទេសចិន។ លោក Kerry និងសមភាគីចិនលោក Xie Zhenhuaបាននិយាយថាពួកគេបានប្តេជ្ញាធ្វើកិច្ចសហប្រតិបត្តិការដើម្បីដោះស្រាយវិបត្តិអាកាសធាតុទោះបីជាភាពតានតឹងនៅតាមតំបន់ផ្សេងៗជាច្រើនក៏ដោយ៕
សម្រួល៖ សុផា
