អាហ្វហ្គានីស្ថាន៖ អភិបាលខេត្ត លោក Sayed Wahid Qatali មានប្រសាសន៍ថា យ៉ាងហោចណាស់សមាជិកក្រុមសកម្មប្រយុទ្ធចំនួន ២០នាក់ស្លាប់ និងជាច្រើននាក់ផ្សេងទៀតរងរបួស ក្រោយមានហេតុការណ៍ផ្ទុះនៅសង្កាត់ Pashton Zarghon ភាគខាងលិចខេត្ត Herat នៅថ្ងៃអាទិត្យ ទី២៥ ខែមេសា ឆ្នាំ២០២១ ។
ហេតុការណ៍ផ្ទុះនោះ បានកើតឡើងនៅក្នុងវិហារអ៊ីស្លាមមួយ ខណៈដែលក្រុមសកម្មប្រយុទ្ធតាលីបង់កំពុងមមាញឹកផលិតអាវ និងគ្រាប់បែកច្នៃសម្រាប់ធ្វើសកម្មភាពវាយប្រហារ។ នេះបើយោងតាមប្រសាសន៍របស់លោក Qatali ប្រាប់ទៅអ្នកយកព័ត៌មាន ដោយលោកពុំបានបញ្ជាក់ពីព័ត៌មានលម្អិតជាងនេះទេ។
គួរបញ្ជាក់ផងដែរថា ក្រុមសកម្មប្រយុទ្ធតាលីបង់ដែលភាគច្រើនធ្វើការបំផ្ទុះអត្តឃាត និងការបំផ្ទុះគ្រាប់បែកនៅតាមដងផ្លូវពុំទាន់បានបញ្ជាក់ពីការអះអាងនេះទេ។
ប្រែសម្រួល៖ ប៉ោក លក្ខិណា
ប្រភពព័ត៌មាន xinhuanet ចុះផ្សាយថ្ងៃទី២៥ ខែមេសា ឆ្នាំ២០២១
