ប្រទេសស៊ីរ៉ី៖ ក្រសួងការពារជាតិរុស្ស៊ីប្រកាសនៅថ្ងៃអង្គារ ទី២៧ ខែមេសាថា សមាជិកភេរវករដែលមានវត្តមាននៅក្នុងតំបន់បន្ថយជម្លោះធ្វើការវាយប្រហារចំនួន៣៤លើកក្នុងប្រទេសស៊ីរ៉ីនៅដើមសប្តាហ៍នេះ។
មេបញ្ជាការរងនៃមជ្ឈមណ្ឌលសម្របសម្រួលរុស្ស៊ីប្រចាំតំបន់ Hmeimim ក្នុងប្រទេសស៊ីរ៉ី លោក Rear Admiral មានប្រសាសន៍នៅក្នុងសេចក្តីថ្លែងការណ៍មួយថា ការវាយប្រហារសរុបចំនួន៣៤លើកកើតឡើងក្នុងតំបន់ដែលមានវត្តមានអង្គភាពភេរវករ និងក្នុងទីក្រុងអ៊ីដលីប(Idleb)។
សូមបញ្ជាក់ថា ក្នុងចំណោមការវាយប្រហារសរុបចំនួន៣៤លើក មានការវាយប្រហារចំនួន ១៥លើកកើតឡើងនៅទីក្រុងអ៊ីដលីប(Idleb) និងចំនួន ១៤លើកកើតឡើងនៅតំបន់ឡាតាកា(Lattakia) រួមទាំងចំនួន ០៥លើកកើតឡើងនៅខេត្តហាម៉ា(Hama)ក្នុងប្រទេសស៊ីរ៉ី៕
ប្រែសម្រួល៖ប៉ោក លក្ខិណា
ប្រភពព័ត៌មាន sana ចុះផ្សាយថ្ងៃទី២៧ ខែមេសា ឆ្នាំ២០២១
