សមាជិកម្នាក់នៃកងកម្លាំងចលនានិយម (PMF) ត្រូវបានសម្លាប់ និង៣នាក់ផ្សេងទៀតរងរបួសកាលពីល្ងាចថ្ងៃច័ន្ទនេះក្នុងហេតុការណ៍វាយប្រហាររបស់ពួកសកម្មប្រយុទ្ធ ISIS ស្ថិតនៅក្នុងខេត្ត Kirkuk។
នៅក្នុងសេចក្ដីថ្លែងការណ៍មួយរបស់ក្រុមកងកម្លាំងចលនានិយមបាននិយាយថា ក្រុមភេរវករ ISIS មួយក្រុមបានវាយប្រហារលើប៉ុស្តិ៍ត្រួតពិនិត្យរបស់ក្រុមកងកម្លាំងចលនានិយមដែលស្ថិតក្នុងភូមិ Al-Bashir ភាគនិរតីនៃខេត្ត Kirkuk។
នៅក្នុងសេចក្តីថ្លែងការណ៍បានឱ្យដឹងទៀតថាការវាយប្រហារនេះបណ្តាលឱ្យសមាជិកក្រុម កម្លាំងចលនានិយមម្នាក់ស្លាប់ និង៣នាក់ផ្សេងទៀតរងរបួស។ ជាការកត់សម្គាល់កងកម្លាំងចលនានិយមបានរុញច្រានចំពោះការវាយប្រហារ និងការពារតំបន់នេះបានដោយជោគជ័យ។
អ្នកប្រែសម្រួល៖ គល់ សេងហាក់
ប្រភពព័ត៌មានពី kurdiu ចេញផ្សាយថ្ងៃទី៤ ខែឧសភា ឆ្នាំ២០២១
