ជនស៊ីវិលចំនួន ០១នាក់ រួមជាមួយនឹងសត្វចៀមរបស់គាត់មានចំនួនច្រើនជាង ២០ក្បាលស្លាប់នៅក្នុងតំបន់ Wadi al-Azib ភាគខាងកើតទីក្រុង Hama។
ប្រភពបញ្ជាការប៉ូលិសខេត្តហាម៉ា(Hama)ប្រាប់អ្នកយកព័ត៌មាននៅថ្ងៃអង្គារ ទី០៤ ខែឧសភាថា គ្រាប់មីនដែលកប់នៅក្នុងដីនោះគឺនៅសេសសល់ពីអង្គភាពភេរវករ Daeshខណៈដែលពួកគេលែងមានវត្តមាននៅទីនោះ។ គ្រាប់មីនផ្ទុះឡើងខណៈពេលដែលបុរសម្នាក់កំពុងឃ្វាលហ្វូងចៀមរបស់គាត់នៅតំបន់ Wadi al-Azib ក្នុងទីក្រុងហាម៉ា(Hama) ជាហេតុបណ្តាលឱ្យបុរសនោះរួមជាមួយនឹងសត្វចៀមរបស់គាត់ច្រើនជាងចំនួន២០នាក់ក្បាលស្លាប់។
សមាជិកភេរវករនៃអង្គភាពភេរវករដាស(Daesh) ដាំគ្រាប់មីន និងគ្រឿងផ្ទុះនៅពេលដែលកម្លាំងរបស់ពួកគេមានវត្តមាននៅតំបន់អាល់បាដា(al-Badia) នៅលើដីកសិកម្មក្នុងគោលបំណងដើម្បីបញ្ឈប់ដំណើររបស់កងទ័ពអារ៉ាប់ស៊ីរីនៅក្នុងតំបន់ទាំងនោះ៕
ប្រែសម្រួល៖ ប៉ោក លក្ខិណា
ប្រភពព័ត៌មាន Sana ចុះផ្សាយថ្ងៃទី០៤ ខែឧសភា ឆ្នាំ២០២១
