បុគ្គលិកសន្តិសុខអ៊ីរ៉ាក់មួយចំនួនត្រូវបានស្លាប់ និងរងរបួសកាលពីថ្ងៃពុធនេះដោយសារតែការផ្ទុះឆាបឆេះនៅអណ្តូងប្រេងចំនួនពីរស្ថិតនៅខេត្ត Kirkuk។
អាជ្ញាធរអ៊ីរ៉ាក់បាននិយាយនៅក្នុងសេចក្តីថ្លែងការណ៍មួយថា អណ្តូងប្រេងលេខ១៨៣ និងលេខ១៧៧ ស្ថិតនៅក្នុងតំបន់អណ្តូងប្រេង Bay Hassan ក្នុងខេត្ត Kirkuk បានរងការវាយប្រហារដោយការបំផ្ទុះដោយក្រុមភេរវករ ហើយការវាយប្រហារនេះបានបណ្តាលឲ្យបុគ្គលិកសន្តិសុខមួយចំនួនស្លាប់ និងរងរបួស។
ក្រសួងបានបន្ថែមទៀតថា ក្រុមពន្លត់អគ្គីភ័យបានគ្រប់គ្រងពន្លត់ភ្លើងនៅអណ្តូងលេខ១៧៧ ហើយបច្ចុប្បន្នកំពុងធ្វើការគ្រប់គ្រងពន្លត់ភ្លើងស្ថិតនៅអណ្តូងលេខ១៨៣ ។
ការវាយប្រហារអណ្តូងប្រេង Bay Hassan នេះទំនងជាធ្វើឡើងដោយក្រុមតូចៗរបស់អង្គការចាត់តាំង ISIS ដែលបានបង្កើនការវាយប្រហាររបស់ខ្លួនក្នុងរយៈពេលប៉ុន្មានខែចុងក្រោយនេះ ជាពិសេសធ្វើការវាយប្រហាស្ថិតនៅតាមតំបន់នានាក្នុងខេត្ត Kirkuk៕
អ្នកប្រែសម្រួល៖ គល់ សេងហាក់
