ពួកសកម្មប្រយុទ្ធ ISIS កាលពីថ្ងៃព្រហស្បតិ៍នេះបានដុតវាលស្រែស្រូវសាលីបណ្តាលឱ្យឆាបឆេះស្ថិតនៅក្នុងខេត្ត Diyala ភាគខាងកើតអ៊ីរ៉ាក់។
ទីភ្នាក់ងារសារព័ត៌មាន Anadolu បានរាយការណ៍ថាក្រុម ISIS បានដុតបំផ្លាញវាលស្រែស្រូវសាលីដែលស្ថិតនៅជាយក្រុងនៃភូមិ Khalil al-Husaynawi ស្រុក Buhriz ចម្ងាយ៧គីឡូម៉ែត្រពីភាគខាងត្បូងទីក្រុង Baqubah ខេត្ត Diyala។
ទីភ្នាក់ងារសារព័ត៌មាននេះបានបញ្ជាក់ទៀតថាភ្លើងបានបំផ្លាញដំណាំស្រូវសាលីមុនពេលក្រុមការពារស៊ីវិលអាចគ្រប់គ្រង និងពន្លត់ភ្លើងបានវិញ។
អ្នកប្រែសម្រួល៖ គល់ សេងហាក់
ប្រភពព័ត៌មានពី kurdiu ចេញផ្សាយថ្ងៃទី៦ ខែឧសភា ឆ្នាំ២០២១
